السلام عليكم و رحمة الله
يارب يكون الجميع بخير
حاجة سمعتها من شوية سببتلى حالة ضحك لطيفة اوى
و ده طبعا من منطلق(هم يبكى و هم يضحك)
مكالمة تليفونية لبرنامج مجلس الرحمة و كانت الحلقة عن فلسطين و الاقصى
المهم
احدهم اتصل و كان رايه ان المشكلة فى الحكومات العربية
و بعد كده اتصل واحد تانى
و قال ان الحكومات العربية بتاخد اوامرها من الحكومات الاوروبية والامريكية و اسرائيل و ....
و انهم اشكال فقط و ..... اكيد باقى الكلام معروف طبعا
حالة الضحك اللطيفة دى بقى سببها تساؤل
لما الحكومات كده
انا لما اكون مسلم(ة) و بسمع الاغانى بتاعتهم (او اى اغانى عموما) و اسيب الاذان
لما اقلد تصرفاتهم السيئة و اسيب الحاجات الكويسة
لما اهجر القران و سنة الرسول عليه الصلاة و السلام
لما اربى اطفالى ان اهم حاجة الدراسة ثم المستقبل ثم حاجات كيتر ثم لو فاضيين يبقى الدين
يبقى انا باخد اوامرى منييييييييييين؟؟
هل
من القران و السنة ؟؟!!!
اجمل حاجة فينا ان كل واحد بيشيل المسئولية من ع نفسه و يحطها ع غيره و بيتوصى اوى بالحكومات نظرا لان الكل بيكرهها..
زى حالاتى كده المفروض انى اذاكر و اركز بقى فى المذاكرة لانها وسيلة قوية باذن الله انى انصر أمتى
سايباها و بكتب فى موضوع !!
و عشان ماكونش بناقض كلامى
فاستأذنكم بقى الفترة الجاية لحد 4\2\2010
الله يكرمكم دعواتكم بالثبات اولا
ثم بالتوفيق
و انى اكون سبب من اسباب نصرة الاسلام
و لكم افضل مما دعوتم يااااارب
جزاكم الله كل خير
