بدون مقدمات .. الموضوع كله عبارة عن تخيل
ايه رايكم..تيجو نتخيل؟؟
طيب نغمض عيننا بقى .. بس بعد القراءة اكيد
راجعو فى دماغكم حال الامة الاسلامية كله .. بدءا من فلسطين مرورا بكل اراضينا المحتلة .. مرورا بحال المسلمين كتفكير و كثقافة .. كهموم و اشغال .. ايوة ايوة هنمر بقى بالتفكير بمشكلة مصر و الجزائر
مصر و هى بتقول لازم نسترجع روح 73 و الجزائر و هى بتقول الى الجهاد فى الخرطوم .. ماعلينا بلاش السيرة دى دلوقتى
تخيلو فى نفس العقل ان المسلمين بدأو يرجعو لدينهم .. الامة الاسلامية شعوبا توحدت .. الحكومات لسة شوية ... بدأ كل حد يتقن عمله .. فى صعوبات .. بس بنكمل ... الحكومات بدأت تتوحد
الله
أقصااااااااانا بدأنا نتحرك حركات جدية و ايجابية عشان يرجعلنا
تخيلو .. تخيلو كل حاجة نفسكو فيها لأمتنا .. و لبلدنا .. تخيلووووووووووو حاجات كتير وحشة فينا و بيننا بتتشال
تخيلتو كل حاجة نفسكو تحصل .. خلاص تفوقنا ع امريكا و ع الصهاينة
نرجع للواقع بقى
كام واحد فينا فى تخيله ده تخيل دوره هو فى نهضة أمتنا؟؟
اللى تخيل .. هل تيخلتو دوركم بالتفصيل .. اتمنى اه
دوركم اللى تخيلتوه من دلوقتى بالله عليكم ابدأو فيه بالله عليكم لو الكل وقف ضدكم ماتسيبوش دوركم فى نهضة أمتكم لان ماحدش هيعمل دورك الا انت
كل واحد فينا ع ثغر من ثغور الاسلام .. ماحدش يقول يعنى انا اللى هصلح الكون ولا انا اللى هحرر فلسطين
ايوة ليه لا
ليه مش انت اللى هتحرر فلسطين
ليه مش انت اللى ترجع هيبة الاسلام و المسلمين فى الغرب
لو مش انت
ولا انتى
ولا انا
امال مييييييييييييييييييييين؟؟
نستعين بالصهاينة
"ان لم نكن نحن للاسلام فمن له اذن!!!"
مين يا جماعة؟؟
نرجع للتخيل تانى
الناس اللى ماتخيلتش دورها بقى
من دلوقتى شوفو ميولكم ايه .. ازاى تفيدو أمتكم .. حددو دوركم بالضبط .. قررو ان انتو هتتحملو مسئولية نصرة أمتكم و دينكم فى مجالكم من اللحظة دى
كده احنا كلنا بقى لينا دور فى نهضة امتنا
ياللا بقى نتخيل تانى كل واحد مننا عمل و بيعمل و هيعمل ايه ..
تمام؟؟
ربنا يعيننا كلنا يارب
الموضوع كله عاوزة اوصل بس نقطة
القدس مش هتحرر بكلمة
و البلد مش هتتحرر بمحاضرة
ولا حماس فى مظاهرة
ولا حماس لاهانة
لالالالالا
عمرنا ما هنتصلح الا لو غيرنا جوانا بجد و عشنا الحياة و بقى لينا قضايا فى حياتنا و دور لازم نعمله
والا
حياتنا لا قيمة لها
التخيل اللى كتبته فوق ده .. انا فعلا بعمله مع نفسى .. لو مش مناسب لناس او لو حد شايفه حاجة تافهة .. مش مهم
بس المهم
يكون عندنا امل فى بكرة بينااااااااااا و محددين هنعمل ايه
ربنا يوفق الجميع
3 ضع بصمتك ..:
السلام عليكم ورحمه الله وبركاته
جزاكم الله خيرا ياشموخ على الموضوع الرائع ده اتمنى ان الناس كلها تقدر تستوعب الموضوع بالصوره الى انتى كنت عايزه توصليها
فى كتير من الناس فكره ان التخيل هو هروب من الواقع بالعكس ده طريقه للوصول لحل لمشاكل الواقع وده كلام اكبر علماء والمدارس الاداريه - فالتخيل هو اداه رائعه لرؤيه المشهد بعد حل المشكله بالابعاد التى تريدها انت وليست المفروضه من الواقع بل التخيل طريق لايجاد سبيل للوصول او الادوات المستخدمه لحل المشاكل
واحب اختم مشاركتى بكلمه قد تساعد فى توصل الرساله
"فعل رجل فى الف رجل خير من قول الف رجل لرجل "
و عليكم السلام و رحمة الله و بركاته
جزاكم الله كل خير يا مستر احمد
تعليق حضرتك كمل الموضوع ..
"التخيل طريق لايجاد سبيل للوصول او الادوات المستخدمة لحل المشاكل "
الجملة دى جميلة جدا
إرسال تعليق