السلام عليكم و رحمة الله
مين آل ان الدين ديئها
بالعكس دا هو اللي بدأها
حب حياتك أوي واعشقها
اعمل كل اللي بيرضي الله
ما تخفش مدام ربنا راضي
عيش زيك زي الناس عادي
واللحظة اللي انت سعيد فيها
افرح بئة خليها على الله
ليه دايما بنروح للدنيا
وليه بنشوف الدين حاجة تانيه
مع ان اللي اتنين حاجة وحده
كل حياتنا بأمر الله
احلى حياة انه بقلبك دينك
وملائكة وجنة محوطينك
عايش كل الناس شايفينك
حاسدينك آه على حب الله
اعرف ربنا زي ما أللك
متسيبش الأوهام توصللك
انت وبس في ايدك حلك
مين يحتار اذا كان ربه معاه
اعرف دينك صح تحبه
من دون تشديد ومنك سايبو
من يعيش كده يبأة يا بختو
حقو الدنيا متبآش سايعاه
ليه دايما بنروح للدنيا
وليه بنشوف الدين حاجة تانيه
مع ان اللي اتنين حاجة وحده
كل حياتنا بأمر الله
لما الحق ينور قلبك
لما يكون ربنا بيحبك
تسبق رحمته دايما ذنبك
صدقني دي فعلا احلى حياة
*****************************
*****************************
خلى دينك اساس دنيتك الدين مش معقد و مش عاوز تفكير كتييييير عشان نفوز بالجنة
عيش دنيتك زى ما امرك دينك هتلاقى نفسك عايش احلى حياة..
مش معنى ده انك ماتدورش فى مراجع(طرق و ابتكارات جديدة للطاعة) بس الاول اضمن الامتياز و بعدين تميز ع اللى جايبين امتياز
عارفين حلها ايه؟؟
اقنع نفسك بس انك عايش الدنيا دى كلهااااااااا لله
اكتبها فى ورقة
فكر نفسك بيها كل يوم اول ما تصحى
لما تيجى تعمل حاجة
صدقونى بجد
هتلاقى فى صوت جواك بيقولك
اقف .. بتعمل حاجة غلط .. مش ده هدفك
هنغلط اه و الا مش هنكون بشر
بس هيبقى فى صوت سريع يقول ارجع تانى
و نرجع و نتوب
و الله يا جماعة الدين مسهل الدنيا جدااااااااا بس احنا اللى بنعقد كل حاجة
و مقنعين عقلنا ان السعادة مرتبطة بالمعصية او بحاجة معينة مع اننا عارفين كويس اوى انها تغضب ربنا
يعنى مثلا
لو نظمنا رحلة لمكان معين و جه حد نصحنا و قالنا يا جماعة المكان اللى انتو رايحينه ده فيه فتنة و يعنى اسلم انكو تروحو مكان غيره
غالبا بنقول يوووووووووووووووووه بقى هو كل حاجة حرام حرام
ركزو بقى فى اللى اتقال ده
ده كلام سلبى
ليه؟؟
احنا ماحاولناش نفكر فى حل
لا
احنا كل تفكيرنا اننا عاوزين المكان ده (تركيز على المشكلة).. و ربطنا فرحتنا و سعادتنا بالمكان ده
فمش هنغيره
و حتو لو غيرناها مش هنعرف نستمتع
عارفين لو ركزنا بس فى النقطة الايجابية اللى هى حلول
هنلاقى كتييييييييييييييير
و هكذااااااااااا
قيسو ع ده بقى اغانى .. مسلسلات .. افلام .... الخ
مش عارفة كالعادة برده حاسة انى شتتكم
دعواتكم بقى اركز اكتر و باذن الله اتجنب التشتيت ده
بس يارب يكون غرض الموضوع وصل
4 ضع بصمتك ..:
السلام عليكم و رحمة الله و بركاته ,
فعلا الدين ليس تقييدا , إنما هو تقييد الشر و الرذائل لا غير ,
كما قال الرافعي - رحمه الله - :
والدين حرية القيد لا حرية الحرية؛ فأنت بعد أن تقيد رذائلك وضَرَاوتك وشرك وحيوانيتك, أنت من بعد هذا حر ما وسعتك الأرض والسماء والفكر؛ لأنك من بعد هذا مكمل للإنسانية، مستقيم على طريقتها؛ ولكن هب حمارًا تفلسف وأراد أن يكون حرًّا بعقله الحماري؛ أي: تقرير المذهب الفلسفي الحماري في الأدب، فهذا إنما يبتغي إطلاق حريته، أي: تسليط حماريته الكاملة على كل ما يتصل به من الوجود.
تحيتي
و عليكم السلام و رحمة الله وبركاته..
رائعة جداااا الجملة اللى حضرتك ذكرتها
شرفنى مرور حضرتك
جزاك الله خيرا ..
وصل فعلا يا شموخ
بس يارب الصوت ده يكون عالي ونسمعه دايما
لأن الواحد سمعه تقيل حبتين :)
ربنا يرزقنا الهداية ويوفقنا لما فيه الخير
يارب اللهم امين ..
لا ماهو الصوت ده لما مانسمعهوش بيعلى تدريجيا .. لحد ما نقف و نرجع للصح تانى .. و الا هنصدع و نتعب من شدة الصوت!!
جزاك الله خيرا ع المرور
إرسال تعليق