ياترى هتبقى ادها ؟؟
العالم كله مهتم بيكى ..تخيلى بيكى انتى !!!
لهدفين
اولا
انهم يوجهوكى للصح عشان تقدرى تبقى اد مسئوليتك الحقيقية
ثانيا
انهم يوجهوكى للغلط عشان تفشلى فى مهمتك فى الحياة و تبقى وسيلة هدامة لغيرك
نوضح اكتر ...
كل ما نفتح التليفزيون او نقرى مواضيع ع النت سواء بنات او شباب كاتبينها نلاقى البنات .. البنات
لييييييييه اشمعنى احنا ؟؟ هما مالهم بينا ؟؟
كل المنتديات مخصصين قسم للبنت و بعض المنتديات عاملين قسم للشباب
الشيوخ بيوجهو كلامهم اكتر للبنات و لما بيوجهوه للرجالة بيبقى معظم كلامهم ع البنات
برده الادباء نفس الحكاية و هكذااااااااااا!!!!!
ياترى ايه السر؟؟
اقولك انا حبيبتى ايه السر
السر يكمن فيكى .. ايوة فيكى انتى ..
بجد ما تستغربيش
انتى تقدرى تصلحى أمة و تقدرى تهزميها
انتى الثغر اللى اعداءنا بيحاولو يدخلو منه للامة
و انتى السلاح اللى العلماء و الشيوخ بيحاولو ينقذو بيه الامة
انتى السكين اللى بيدبحو بيه شبابنا
و انتى المحفز اللى يعين شبابنا
انتى ألم الأمة
و انتى اكبر أمل للامة
أنتى موت حاجات كتيييير حلوة فى الامة
و انتى حياة حاجات أكتر ميتة فى الامة
عرفتى ليه انتى اهم حاجة .. عرفتى ليه انتى عليكى الدور الاكبر ..
عرفتى ليه انتى ليكى رسالة فى الحياة و دور مش لازم ابدا تنسيه ولا تتهاونى فيه
عرفتى ليه كل احلامنا مبنية عليكى .. عليكى انتى
حاساكى هتقولى و انا اعمل ايه يعنى ؟؟ الرجالة ماجاهدوش هروح انا اجاهد ؟!!!
(كلمة كده بينى و بينك و بعدين نكمل .. خليكى انتى ب10000000 رجل )
انا ماقلتش كده ..بس جهزى نفسك انك تكونى أم للى يجاهد
جهزى نفسك انك تكونى زوجة للشهيد
جهزى نفسك انك تفيدى الامة بعلمك و دينك
جهزى نفسك انك تكونى بنت الاسلام .. قدوتك الرسول عليه الصلاة و السلام و زوجاته
جهزى نفسك انك تكونى رمز للاسلام فى كل مكان .. احملى راية الاسلام فى كل مكان تروحيه
جهزى نفسك لتقوية ثغرك .. انتى و الله ع اكبر ثغر اوعى اوعى تسمحى لحد يدخل للاسلام منك انتى و لو كان حتى مسلم ..
اوعى يا اختى الله يكرمك اوعى تكونى سلاح يدمر ما يدافعش
اوعى تكونى وسيلة هدم مش بناء
خليكى دايما مؤثرة فى اللى حواليكى انتى عندك رسالة .. اوعى تنسيها ..
خليكى زى المطر يروى .. بس مش زى السيل يدمر ...
هقولك جملة انا محتفظة بيها
" ان التى تهز المهد بيمينها .. تهز العالم بشمالها "
و الله مش بديكى اكبر من حجمك .. بس هو ده فعلا حجمك الحقيقى
اسمعى شيوخ .. اسمعى علماء .. اسمعى مصلحين اجتماعيين .. اسمعى بناة نهضة الامم .. اسمعى كلام مؤرخين ... و شوفى اقوى سلاح لهدم او بناء امة ايه ؟؟؟
حبيبتى مش عاوزة اطول عليكى بس حاجة اخيرة
اليهود فى موقف معين قالو " محمد ماااااات و خلف بنات "
اثبتيلهم بالله عليكى انهم هما اللى بنات و ان الاسلام كل شبابه و بناته رجالة (لفظ رجل للذكر و الانثى)
حطى كلمتهم ادام عينك .. و شوفى رسالتك .. و احملى هم دينك و هم بلدك ..
و ربنا يوفقك يااااااااااااااااااااااااااااااارب
10 ضع بصمتك ..:
احييكى على كل كلمة وضعتها ...أحييك على التفكير ويا ريت يكون فى مثلك كتيير
ربنا يكرمك يا لمياء
فى احسن منى كتيييييييييييير .. و انتى واحدة منهم باذن الله
نورتى المدونة ياقمر ..
عجبنى البوست بتاعك
سواء من حيث الفكره أو إسلوب الطرح
بارك الله لكش وجزاكِ عنا كل الخير
تقبلى تحياتى
ما شاء الله
جزاك الله بكل حرف حسنة
مها البنا
و جزاكى كل خير يا مها
اسعدنى مرورك ..
ZakZoka
و جزاكى يارب كل خير
بجد كلام رائع جدا , ومدونة افكارها رائعة والافضل انها بطريقة مصرية , ولكن ينقصها بعض الاعمال الفنية البسيطة لتحسين مظهرها العام , لكن كلام حضرتك رائع جدا وانا فعلا استفدت منه , ولكن للاسف يجهله الكثيرون !
Eslam
شكرااا ع كلام حضرتك
بالنسبة لفنيات المدونة هو صراحة انا ماعنديش وقت كافى فمقسمة شوية حاجات فيها اعملها بالتدريج
بس ياريت لو فى حاجة معينة لفتت نظر حضرتك او اضافة معينة اعرفها ..
جزاك الله خيرا
- استمري على بركة الله , اهم شئ المضمون وليس الشكل , مع اني افضل ان يكون استايل المدونة بسيط نوعا ما , ولونة لون عام وليس "بناتي" , وياريت لو تصغري خط الكتابة شوية وتهتمي بالتنسيق , هذا رأيي , وشكرا وبالتوفيق ان شاء الله !
تمام .. باذن الله هبقى اخد بالى من الحاجات اللى حضرتك قلت عليها
جزاك الله خيرا
إرسال تعليق