تفتكروا فى أمل ..؟!

السلام عليكم و رحمة الله

ازيكم يا جماعة ؟؟ يارب تكونو بخير و فى سعادة دايما يارب..

-بدون مقدمات-

تفتكرو يا جماعة لو فكرنا فى احوالنا دلوقتى .. كأمة اسلامية و كمجتمع عربى و اخيرا كمجتمع مصرى

احوالنا بقى بجميع فروعها

سياسة

اقتصاد

اخلاااااااااااق

تفكير

ثقافات

علم

عمل

كل حاجة متعلقة بينا

تفتكرو بعد الحاجات و المشاكل اللى هتقابلنا

تعليم مش تعليم

اخلاق راحت

احلام كل يوم بتتقتل

شباب يمتلك لا مبالاة غريبة

..........الخ

تفتكرو فى أمل؟؟!!

تفتكرو هنقدر نعمل حاجة

الناس اللى عمالة تقولنا فوقو و هتقدرو تبنو نهضة أمتكم من تانى

الناس اللى بتقولنا أمل الأمة كله فينا .. فى الشباب

الناس اللى بتقول ركزو ع احلامكم و حطمو اى عقبات تقابلكم

الناس اللى بتقول لو كل واحد نجح فى مجاله .. الأمة كلها هتنجح..

طيب ايه رايكم بقى فى الناس اللى بتقول عاوزين 2% بس من الشباب و هنقدر نعمل نهضة .. تفتكرو هما صح؟؟و تفتكرو اصلا هنقدر نكون ال2% دول ؟؟!!!

عارفين..

انا بالرغم ان الصورة سودا اوى

بس شايفة فيها نقطة بيضا و النقطة بتكبر

بتكبر بواحدة صاحبتى بتشتغل فى وظيفة حكومية مابترضاش تشحن موبايلها هناك .. لانه مال الدولة فبتاخد كذا بطارية معاها من البيت..!!

بتكبر بشباب عارفين هدفهم كويس اوى و بيسعوله و عاوزين ينصرو امتهم .. ناجحين فى شغلهم و فى نفس الوقت بيحاولو يغيرو اللى حواليهم تغيير ايجابى..

بتكبر النقطة دى بطلبة بتذاكر و كل همها نصرة أمتها ..

بتكبر أوى بناس ملتزمة بدينها ملتزمة باخلاقها ملتزمة بمبادئها ..

بتكبر برده بشباب نفسهم و كل املهم استرداد الاقصى .. همهم هو ده .. بيصلحو من نفسهم عشان ده .. عشان مايكونوش هما سبب فى حال الامة حاليا..!!

عارفين بيكبر بايه تانى..

بادارة و اعضاء منتدى جامعتنا

عارفين ليه؟؟

شباب حبت شغلها .. اسسو المنتدى و مستمرين فى تطوره و فعلا بيتطور لان "ان الله لا يضيع أجر من أحسن عملا".. افكار جديدة كلها ابداع دايما .. عشان يحققو هدفهم

عشقو حلمهم و بالتالى باذن الله فى المستقبل القريب اوووووووووى هيكون افضل حلم ..

فتحياتى لهم جميعا ..

عارفين كده ناقص مين ..

ناقص انا

او بمعنى ادق كل واحد فينا ناقص هو

ناقص بس يشوف نفسه .. هل هو سبب فى أمل و لا ألم ..؟!

احنا خلاص المولد النبوى باقى عليه يومين تقريبا او نقدر نقول يوم (كل سنة و حضراتكم طيبين و بخير يارب)

هنقدم هدية للرسول عليه الصلاة و السلام ايه مش هقولكم السنة دى .. لا.. السنة الجاية .. بس نبدأ الوعد من السنة دى

ازاى؟؟

كل واحد فينا يقعد مع نفسه و يشوف قدراته ايه .. هيخدم الدين ازاى؟؟ هيفرح الرسول عليه الصلاة و السلام بيه ازاى ..

ادامنا سنة كاملة .. مش هقولكم نعمل حاجات تخدم الدين

لالالالا

حاجة واحدة

حاجة واحدة بس نقول للرسول عليه الصلاة و السلام اننا عملناها

حاجة واحدة يا جماعة ندعى بيها لفلسطين و الاقصى

حاجة واحدة ندعى بيها ربنا انه يرفع الصخرة اللى حاجزانا عن التقدم ..

انا مش هقول احنا أمل ولا ألم الأمة دى

بس كلمة واحدة اخيرة معلش

ياريت كل واحد فينا يشوف هو يستحق انه يكون مسلم و من خير أمة أخرجت للناس .. و لا لأ ..!!

عيشها صح..

السلام عليكم و رحمة الله

مين آل ان الدين ديئها

بالعكس دا هو اللي بدأها

حب حياتك أوي واعشقها

اعمل كل اللي بيرضي الله

ما تخفش مدام ربنا راضي

عيش زيك زي الناس عادي

واللحظة اللي انت سعيد فيها

افرح بئة خليها على الله

ليه دايما بنروح للدنيا

وليه بنشوف الدين حاجة تانيه

مع ان اللي اتنين حاجة وحده

كل حياتنا بأمر الله

احلى حياة انه بقلبك دينك

وملائكة وجنة محوطينك

عايش كل الناس شايفينك

حاسدينك آه على حب الله

اعرف ربنا زي ما أللك

متسيبش الأوهام توصللك

انت وبس في ايدك حلك

مين يحتار اذا كان ربه معاه

اعرف دينك صح تحبه

من دون تشديد ومنك سايبو

من يعيش كده يبأة يا بختو

حقو الدنيا متبآش سايعاه

ليه دايما بنروح للدنيا

وليه بنشوف الدين حاجة تانيه

مع ان اللي اتنين حاجة وحده

كل حياتنا بأمر الله

لما الحق ينور قلبك

لما يكون ربنا بيحبك

تسبق رحمته دايما ذنبك

صدقني دي فعلا احلى حياة

*****************************

*****************************

خلى دينك اساس دنيتك الدين مش معقد و مش عاوز تفكير كتييييير عشان نفوز بالجنة

زى الطالب اللى عاوز يجيب امتياز فى مادة معينة فيروح المكتبة و يقعد يدور يدور ع كتب و مراجع .. و مايذاكرش ورق الدكتور لانه شايفه سهل و ماتعبش فيه .. ييجى الامتحان من ورق الدكتور (السهل) و هو مايجيبش الامتياز او يجيبه بنسبة قليلة فى حين ان كان بايده يسهل ع نفسه من الاول ..

عيش دنيتك زى ما امرك دينك هتلاقى نفسك عايش احلى حياة..

مش معنى ده انك ماتدورش فى مراجع(طرق و ابتكارات جديدة للطاعة) بس الاول اضمن الامتياز و بعدين تميز ع اللى جايبين امتياز

عارفين حلها ايه؟؟

اقنع نفسك بس انك عايش الدنيا دى كلهااااااااا لله

اكتبها فى ورقة

فكر نفسك بيها كل يوم اول ما تصحى

لما تيجى تعمل حاجة

صدقونى بجد

هتلاقى فى صوت جواك بيقولك

اقف .. بتعمل حاجة غلط .. مش ده هدفك

هنغلط اه و الا مش هنكون بشر

بس هيبقى فى صوت سريع يقول ارجع تانى

و نرجع و نتوب

و الله يا جماعة الدين مسهل الدنيا جدااااااااا بس احنا اللى بنعقد كل حاجة

و مقنعين عقلنا ان السعادة مرتبطة بالمعصية او بحاجة معينة مع اننا عارفين كويس اوى انها تغضب ربنا

يعنى مثلا

لو نظمنا رحلة لمكان معين و جه حد نصحنا و قالنا يا جماعة المكان اللى انتو رايحينه ده فيه فتنة و يعنى اسلم انكو تروحو مكان غيره

غالبا بنقول يوووووووووووووووووه بقى هو كل حاجة حرام حرام

ركزو بقى فى اللى اتقال ده

ده كلام سلبى

ليه؟؟

احنا ماحاولناش نفكر فى حل

لا

احنا كل تفكيرنا اننا عاوزين المكان ده (تركيز على المشكلة).. و ربطنا فرحتنا و سعادتنا بالمكان ده

فمش هنغيره

و حتو لو غيرناها مش هنعرف نستمتع

عارفين لو ركزنا بس فى النقطة الايجابية اللى هى حلول

هنلاقى كتييييييييييييييير

و هكذااااااااااا

قيسو ع ده بقى اغانى .. مسلسلات .. افلام .... الخ

مش عارفة كالعادة برده حاسة انى شتتكم

دعواتكم بقى اركز اكتر و باذن الله اتجنب التشتيت ده

بس يارب يكون غرض الموضوع وصل

هزتنى نسمات الليالى..

السلام عليكم و رحمة الله

هزتني

نسمات الليالي

فتراءى ببالي

طيف الام مرير

ابكتني

صرخات الأيامى

وأنين تنامى

حول قيد واسير

تكويني

شهقات الثكالى

طعنات توالى

دمعة الطفل الغرير

مديني

يا شراع الزمان

لربوع الاماني

لمدى زاه منير

يا قدسي

يا نفائح نفسي

فيك ليلي وهمسي

ودعاء المستجير

من يدري

يا صبابة صدري

أرى ميلاد فجرى

يعقب الليل المغير

عيناها

نزفها مشتكاها

حزنها وبكاها

مسجداها والمسير

سألاها

عن بقايا رؤاها

اين يرنو مناها؟؟

فاجابت بالقدير

من قلبي يا حبيبة قلبي

بتُ ادعو لربي

ان يواسي ويجير

من روحي

يا رفيقة روحي

جئت كي لا تنوحي

انتِ من روحي الكثير

انشاد المنشد :محمد مطري....

للتحميل

السلام عليكم و رحمة الله

و اخيرااااااااااا و بعد طول عنااااااااااااااااااااااااااااااااااااااااااااااااااااااااااااء خلّصت الامتحانات و خلصت !!

ربنا يستر فى النتيجة ..

مش عارفة ليه بكتب كده فى المدونة مع ان فى مواضيع كتير عاوزة اتكلم فيها غالبا مش هتكلم فيها ..!!

المهم المهم ..

يارب تكون اجازة سعيدة علينا كلنا .. و يارب نستغل الاجازة استغلال ممتاز

ربنا يوفقنا كلنا ياااااااارب