الخميس، 26 أغسطس، 2010

ياترى هتبقى أدها؟؟







ياترى هتبقى ادها ؟؟



العالم كله مهتم بيكى ..تخيلى بيكى انتى !!!

لهدفين

اولا

انهم يوجهوكى للصح عشان تقدرى تبقى اد مسئوليتك الحقيقية

ثانيا

انهم يوجهوكى للغلط عشان تفشلى فى مهمتك فى الحياة و تبقى وسيلة هدامة لغيرك



نوضح اكتر ...



كل ما نفتح التليفزيون او نقرى مواضيع ع النت سواء بنات او شباب كاتبينها نلاقى البنات .. البنات



لييييييييه اشمعنى احنا ؟؟ هما مالهم بينا ؟؟

كل المنتديات مخصصين قسم للبنت و بعض المنتديات عاملين قسم للشباب



الشيوخ بيوجهو كلامهم اكتر للبنات و لما بيوجهوه للرجالة بيبقى معظم كلامهم ع البنات



برده الادباء نفس الحكاية و هكذااااااااااا!!!!!



ياترى ايه السر؟؟



اقولك انا حبيبتى ايه السر



السر يكمن فيكى .. ايوة فيكى انتى ..



بجد ما تستغربيش



انتى تقدرى تصلحى أمة و تقدرى تهزميها



انتى الثغر اللى اعداءنا بيحاولو يدخلو منه للامة


و انتى السلاح اللى العلماء و الشيوخ بيحاولو ينقذو بيه الامة



انتى السكين اللى بيدبحو بيه شبابنا

و انتى المحفز اللى يعين شبابنا



انتى ألم الأمة

و انتى اكبر أمل للامة



أنتى موت حاجات كتيييير حلوة فى الامة

و انتى حياة حاجات أكتر ميتة فى الامة



عرفتى ليه انتى اهم حاجة .. عرفتى ليه انتى عليكى الدور الاكبر ..



عرفتى ليه انتى ليكى رسالة فى الحياة و دور مش لازم ابدا تنسيه ولا تتهاونى فيه



عرفتى ليه كل احلامنا مبنية عليكى .. عليكى انتى



حاساكى هتقولى و انا اعمل ايه يعنى ؟؟ الرجالة ماجاهدوش هروح انا اجاهد ؟!!!



(كلمة كده بينى و بينك و بعدين نكمل .. خليكى انتى ب10000000 رجل )



انا ماقلتش كده ..بس جهزى نفسك انك تكونى أم للى يجاهد



جهزى نفسك انك تكونى زوجة للشهيد



جهزى نفسك انك تفيدى الامة بعلمك و دينك



جهزى نفسك انك تكونى بنت الاسلام .. قدوتك الرسول عليه الصلاة و السلام و زوجاته



جهزى نفسك انك تكونى رمز للاسلام فى كل مكان .. احملى راية الاسلام فى كل مكان تروحيه



جهزى نفسك لتقوية ثغرك .. انتى و الله ع اكبر ثغر اوعى اوعى تسمحى لحد يدخل للاسلام منك انتى و لو كان حتى مسلم ..



اوعى يا اختى الله يكرمك اوعى تكونى سلاح يدمر ما يدافعش



اوعى تكونى وسيلة هدم مش بناء



خليكى دايما مؤثرة فى اللى حواليكى انتى عندك رسالة .. اوعى تنسيها ..

خليكى زى المطر يروى .. بس مش زى السيل يدمر ...



هقولك جملة انا محتفظة بيها



" ان التى تهز المهد بيمينها .. تهز العالم بشمالها "



و الله مش بديكى اكبر من حجمك .. بس هو ده فعلا حجمك الحقيقى



اسمعى شيوخ .. اسمعى علماء .. اسمعى مصلحين اجتماعيين .. اسمعى بناة نهضة الامم .. اسمعى كلام مؤرخين ... و شوفى اقوى سلاح لهدم او بناء امة ايه ؟؟؟



حبيبتى مش عاوزة اطول عليكى بس حاجة اخيرة



اليهود فى موقف معين قالو " محمد ماااااات و خلف بنات "



اثبتيلهم بالله عليكى انهم هما اللى بنات و ان الاسلام كل شبابه و بناته رجالة (لفظ رجل للذكر و الانثى)



حطى كلمتهم ادام عينك .. و شوفى رسالتك .. و احملى هم دينك و هم بلدك ..



و ربنا يوفقك يااااااااااااااااااااااااااااااارب

الأحد، 22 أغسطس، 2010

عهود جديدة .. عهود الأمل





السلام عليكم و رحمة الله


كل سنة و حضراتكم طيبين .. و يارب رمضان السنة دى يكون تغيير للاحسن فى كل حاجة سواء لينا أو لأمتنا و بلدنا ..


اولا

بعتذر عن غيابى الفترة اللى فاتت لسبب ما .. راح - باذن الله -


::::::::::::


عهود جديدة .. عهود الأمل


فى حياة كل حد فينا عهود بيبقى واخدها مع نفسه سواء عهود متعلقة بعلاقته مع الله او مع الرسول عليه الصلاة و


السلام اواى شخص فى حياته


احيانا بتبقى عهود ايجابية


انا عاهدت نفسى انى اكون انا .. مش غيرى


عاهدت نفسى انى انصر امتى


عاهدت ربى انى اطيعه -ربنا يعيننا ياااارب على طاعته - و لو غلطت الف مرة .. مافقدش الامل و اعمل الصح


عاهدت رسولى -عليه الصلاة و السلام - انى انصر سنته و دينه


عاهدت نفسى انى اكون (دكتور , مهندس , مدرس ... الخ ) مسلم ناجح ينصر أمته و يكون رمز للاسلام فى كل مكان


عاهدت نفسى بحاجات كتيييييير .. بتصلح فينا حاجات اكتر


و ممكن تكون عهود (سلبية)


عاهدت نفسى اعيش الدنيا زى مانا عاوز !!


عاهدت نفسى اعمل اللى انا عاوزه .. لانى حر!!


عاهدت نفسى اعيش عااااااااادى و اموت عااااااااااادى .. انا مالى بغيرى !!


بحس انه غالبا عهودنا (السلبية) بتبقى بلا ادراك كافى مننا .. يعنى احنا بنتصرف طبقا لقيمة معينة جوانا من غير


ماندركها او ندرك سبب التصرف !


:::::::::


تيجو نعمل حاجة جديدة ..


تعالو ناخد عهود جديدة فى حياتنا ..


ياللا نبدأ


ايه رايكو تيجو نكتب اهدافنا


احنا ناس قوية جدااااا باذن الله .. ده احنا شباب الاسلام .. احنا اللى ربنا ارتضانا لدينه ..


هننصره ؟؟


تعالو نمسك ورقة و قلم و نكتب


أعاهدك ربى أن ..

..

..

..


هطيعك فى كل حاجة فى حياتى


كل حاجة يارب هعملها عشان ترضى عنى


اهدافى يارب هتكون لمرضاتك


لنصرة دينك


هستمتع بحياتى لان ده شكر لنعمة الحياااااااااااااااااااة


هعمل و هعمل و هعمل ....... (كلٌ بما يناسب قدراته و مواهبه)


نقدر نعمل عهودنا مع كل حاجة فى حياتنا .. حتى مدوناتنا و دخولنا النت


عارفين يا جماعة


انا الاول كنت بكتب فى المدونة


عشان ممكن حد يفيده و لو كلمة


و عشان اطلع اللى جوايا


و عشان اثبّت نفسى بفكرى ..


بس اخدت بالى من حاجة


انى بكتب بلا هدف محدد


يعنى اوك افيد و استفيد و اعمل ...


كلام مبهم


قررت ايه بقى؟؟


قررت انى باذن الله هعمل كشكول للمدونة


اكتب فيها خطة طويلة و متوسطة و قصيرة المدى


اهداف تفصيلية عشان اقدر افيد و استفيد فعلا


كان فى حاجة معينة مانعانى انى اكتب فى المدونة .. بس فكرت فيها من زاوية تانية


لاقيت حل الحمد لله


(كل حاجة لما بنفكر فيها باسلوب جديد بيدى حلول كتيييييير مادام الحاجة فيها احتمالين او اكتر)


ده عهدى الجديد مع مدونتى ..


بس ليه ماعملش عهد جديد مع اخلاقى -اللى هى اهم-


كان فى فكرة بداتها السنة اللى فاتت اسمها


كشكول الاخلاق


كنت بادئة من اوله مجموعة الاخلاق او الصفات اللى عاوزاها تبقى فيا


و الكشكول من ورا


الاخلاق او الصفات اللى عاوزة اتخلى عنها


ده عهدى الجديد مع اخلاقى


من اهم عهود حياتنا


مانسمحش لحد يعطلنا عن هدف من اهدافنا


(الجملة دى فيها غلط اللى هيقوله ليه فيديو مفيد اوى)


لا بتريقة ولا بكلمة فى حقنا .. ولا بكرهنا على نجاحنا


فى برنامج رحلة للسعادة


كانت اول مجموعة فى مجموعة السعادة


ابدأ بداية جديدة .. شروق الشمس


تخيلو كده شمس جديدة هتشرق ع حياتنا كلنا -بدءا من رمضان السنة دى باذن الله-


شمس الامل


معاها عهود الأمل


و معاها


عهودنا الجديدة ..


**بعزيمة الشبان نبنى كلنا صرح المعالى


و لنا جمال عزائم تبقى على مر الليالى


فإذا دجى ليل الورى و تشعبت سبل الضلال


فأنر سبيل مسيرنا و أغفر لنا يا ذا الجلال**