الجمعة، 25 ديسمبر، 2009

اهو اى كلام !!

السلام عليكم و رحمة الله
يارب يكون الجميع بخير..
الموضوع عبارة عن كذا حاجة عاوزة اتكلم فيهم تقريبا مالهومش علاقة ببعض ظاهريا
"لأنه صهيونى"
فاكرين شاليط؟؟
من 2006 و هما عمالين يحاولو يجيبوه
حصار غزة مرتين
اهانة لكل الفلسطينيين _اطفال و نساء و شيوخ) و قبلهم لكل المسلمين و العرب
و ده كله
عشان شاليط
مبرر ظاهرى انا عارفة مع انهم فعلا بيحافظو ع جنودهم جدا
بس هناجل الكلام فى الجزئية دى
و لاننا طبعا مش هنقدر نقول لا
فبالتالى لازم المفاوضات تُجرى عشان يرجع شاليط و بالتالى ينتهى الحصار و التجويع و التعذيب و .....
و ده قصاد ده
طيب يا قادتنا يا زعمائنا
ياناس ياللى بتقولو كرامة الانسان و حقوق الانسان
مافيش غيرة
يعنى هما عمالين يذلو فينا و يضربو و يقولو جندى
و احنا مش قادرين حتى نقول شعب يُقتل
اطفال يا ناس بتتقتل و احنا
(كان الله بالسر عليم)
هنعمل ايه
مافيش فى ايدنا حاجة الا الدعاء
ربنا ينصرهم يارب
و بعد الدعاء عادى هروح افكر تفكير تافه
هتفرج ع التليفزيون .. هفتح النت (بدون فايدة) .. هنسى
يعنى هو انا هعيش نفسى فى الهم ده ع طول
و يستمر الوضع كما هو عليه
دعاء مع معاصى
يحصل حصار
هنقاطع
و بعدين
ننسى
و نقلدهم فى كل حاجة تافهة
و بعدين حصار تانى
حسبنا الله و نعم الوكيل
المقاطعة يا جماعة اوعو تنسوها
بعد اسبوعين او 3
نسينا تانى
و هكذاااااااااااااااااا
دايرة مقفولة
كل واحد فينا بيقول مش انا
ده دور الحكومات
بامانة سؤال و كل واحد يجاوب عليه لنفسه طبعا
هل انت او انتى او انا
هل وجودنا فى الامة يخليها تستحق نصرة ربنا؟؟
الرد الطبيعى ان مش احنا بس الامة
هنفرض
افرضو ان الامة كلها متمثلة فى شخص واحد
هو انت
تستحق النصرة ولا لا؟؟
لو لا
ياريت نبدأ يا جماعة بنفسنا
"اذا أردت تغيير العالم .. فابدأ بتغيير نفسك"
طلعت ع فكرة كالعادة بره الموضوع الاساسى اللى انا عاوزة اتكلم فيه
نرجعله تانى بقى
شاليط
شاليط الكل بيحاول يرجعه كاتجاهين
سياسى بحت
و هو ان اسرائيل قادرة ع الحفاظ ع كل جندى ليها
و اتجاه انسانى و اشك ان اسرائيل تفكر بيه
بس مش بعيد
انه انسااااااااااااااااااااااااااااااااان
و لكن
ما تفكر به اسرائيل انه
انساااان صهيونى
لازم العالم كله يحترمه
ولازم العالم كله يحترم الصهيونية و كل صهيونى
نظرة سياسية برده الى حد ما
الاحترام بدأ من جواهم ليهم و عاوزين بعد كده يوصلوه للعالم كله
عندنا بقى
عادى جدا من اهم الدلائل ان المصرى انسان مصرى
انه تتهان كرامته
فى القسم .. فى الشارع .. فى مناقشات .. فى احزاب .. فى اى مكان
ده علامة اكيدة انه مصرى
المشكلة يا جماعة اننا بدانا فعلا نتعامل مع نفسنا من هذا المنطلق
اننا بلا كرامة
ممكن حد يبيع اى مبدأ عشان لقمة العيش
ممكن يبيع كرامته و يقبل يتهان
بس اهم حاجة مايعرضش نفسه ل.... (ورا الشمس)
الاول كانو بيقولو امشى جنب الحيط حاليا
متهيالى بقو بيمشو جواه
و المشكلة الاكبر
انها تقريبا بقت عقدة عندنا
يعنى مثلا
انا ضابط اللى اكبر منى فى السلطة بيعاملنى انى مش انسان و مش بيحترم كرامتى
و بالتالى انا هعمل ده مع اللى اصغر منى فى السلطة
انا دكتور فى الجامعة مثلا حاسس باضطهاد او عدم احترام ليا فى المجتمع
فهاخد حقى من الطلبة
و دول بقى عينة كبيرة جدا
و الله يا جماعة عندنا معيدين فعلا بنحس انهم بقو معيدين عشان يعملو فينا اللى عمله بعض الدكاترة المعقدين فيهم
و طبعا مش الكل
احنا نفسنا اوقات بنعمل كده مع اللى اصغر مننا سواء اطفال او حد اقل مننا فى السلطة
مابنحترمش كرامتهم
مابنعاملهمش كناس المفروض نحترم انسانيتهم و نحترم مشاعرهم ايا كان سنهم او مكانتهم
و بالتالى
متوقعين هما يطلعو ازاى؟؟؟؟؟؟؟
الموضوع كالعادة كبر و ماتكلمتش فى الحاجات اللى عاوزة اتكلم فيها
بجانب التشتت
بس انا قلت فوق
اهو اى كلاااااااااااااااااااااااااام

السبت، 28 نوفمبر، 2009

تيجو نتخيل ..




السلام عليكم و رحمة الله


كل سنة و حضراتكم بخير


عيد سعيد يارب على الامة الاسلامية كلها ..

بدون مقدمات .. الموضوع كله عبارة عن تخيل



ايه رايكم..تيجو نتخيل؟؟



طيب نغمض عيننا بقى .. بس بعد القراءة اكيد


راجعو فى دماغكم حال الامة الاسلامية كله .. بدءا من فلسطين مرورا بكل اراضينا المحتلة .. مرورا بحال المسلمين كتفكير و كثقافة .. كهموم و اشغال .. ايوة ايوة هنمر بقى بالتفكير بمشكلة مصر و الجزائر


مصر و هى بتقول لازم نسترجع روح 73 و الجزائر و هى بتقول الى الجهاد فى الخرطوم .. ماعلينا بلاش السيرة دى دلوقتى


تخيلو فى نفس العقل ان المسلمين بدأو يرجعو لدينهم .. الامة الاسلامية شعوبا توحدت .. الحكومات لسة شوية ... بدأ كل حد يتقن عمله .. فى صعوبات .. بس بنكمل ... الحكومات بدأت تتوحد


الله


أقصااااااااانا بدأنا نتحرك حركات جدية و ايجابية عشان يرجعلنا


تخيلو .. تخيلو كل حاجة نفسكو فيها لأمتنا .. و لبلدنا .. تخيلووووووووووو حاجات كتير وحشة فينا و بيننا بتتشال



تخيلتو كل حاجة نفسكو تحصل .. خلاص تفوقنا ع امريكا و ع الصهاينة



نرجع للواقع بقى



كام واحد فينا فى تخيله ده تخيل دوره هو فى نهضة أمتنا؟؟


اللى تخيل .. هل تيخلتو دوركم بالتفصيل .. اتمنى اه


دوركم اللى تخيلتوه من دلوقتى بالله عليكم ابدأو فيه بالله عليكم لو الكل وقف ضدكم ماتسيبوش دوركم فى نهضة أمتكم لان ماحدش هيعمل دورك الا انت


كل واحد فينا ع ثغر من ثغور الاسلام .. ماحدش يقول يعنى انا اللى هصلح الكون ولا انا اللى هحرر فلسطين


ايوة ليه لا


ليه مش انت اللى هتحرر فلسطين


ليه مش انت اللى ترجع هيبة الاسلام و المسلمين فى الغرب



لو مش انت


ولا انتى


ولا انا


امال مييييييييييييييييييييين؟؟


نستعين بالصهاينة


"ان لم نكن نحن للاسلام فمن له اذن!!!"


مين يا جماعة؟؟



نرجع للتخيل تانى


الناس اللى ماتخيلتش دورها بقى


من دلوقتى شوفو ميولكم ايه .. ازاى تفيدو أمتكم .. حددو دوركم بالضبط .. قررو ان انتو هتتحملو مسئولية نصرة أمتكم و دينكم فى مجالكم من اللحظة دى



كده احنا كلنا بقى لينا دور فى نهضة امتنا


ياللا بقى نتخيل تانى كل واحد مننا عمل و بيعمل و هيعمل ايه ..


تمام؟؟



ربنا يعيننا كلنا يارب


الموضوع كله عاوزة اوصل بس نقطة


القدس مش هتحرر بكلمة


و البلد مش هتتحرر بمحاضرة


ولا حماس فى مظاهرة


ولا حماس لاهانة


لالالالالا


عمرنا ما هنتصلح الا لو غيرنا جوانا بجد و عشنا الحياة و بقى لينا قضايا فى حياتنا و دور لازم نعمله


والا


حياتنا لا قيمة لها



التخيل اللى كتبته فوق ده .. انا فعلا بعمله مع نفسى .. لو مش مناسب لناس او لو حد شايفه حاجة تافهة .. مش مهم


بس المهم


يكون عندنا امل فى بكرة بينااااااااااا و محددين هنعمل ايه



ربنا يوفق الجميع








الخميس، 12 نوفمبر، 2009

همسة قلب ..


السلام عليكم و رحمة الله





قصيدتين للشاعر الكبير فاروق جويدة


اداء م/وسام عيدالوارث

"قناة الحكمة"

"نقلا عن موقع فرسان السنة"





"اللهم حرر أقصانا يااااااااااارب..و استخدمنا فى تحريره و نصرة الاسلام...اميييييييييين"

الجمعة، 30 أكتوبر، 2009

صورة ثلاثية ..!!


السلام عليكم و رحمة الله









كنت بفكر فى العالم و اننا ازاى نبقى ناس متقدمة

لاقيت ادامى شوية صور

اولا

صورة امريكا بتكنولوجيا النانو و اختراعات لما بتتقال ادامنا بنقول معقوووووووووولة!! العلم فى تقدم و الله!!



صورة تانية

لليهود و عملهم لتهويد القدس .. و أقصانا



صورة تالتة

لينا

للعرب و المسلمين

بنتخانق كالعادة

اما بنتخانق مع بعض

او بنتخانق فعلا بنتناقش قولا !!

او بنتكلم فى حاجة دينية و جايبين الممثلين يقولو رايهم

او بنقول الغرب متقدمين اوى فى العلم و جوانا بيقول بس نعدى السنة دى اهم حاجة!!

او بنقول لالالالالالالا للحصار و لا لتهويد القدس و لا ل........الخ

و احنا اصلا

بنستهلك منتجاتهم

بنستخدم اختراعاتهم

اكلنا من عندهم

صناعاتنا معتمدة عليهم

فكرنا و ثقافتنا بقو مشوهين بيهم

حتى الحاجات اللى نقدر نسيبها و نستخدم منتجاتنا .. مابنعملش ده

لغاتهم بدل ما نتعلمها عشان نتعلم العلم و نطور من نفسنا و نوصلهم الصورة الصح للاسلام .. بنتعلمها عشان يتقال علينا ناس مثقفة!! و كل واحد فينا يتكلم مع اصحابه بالانجليزى



فرق كبير اوى بيننا و بينهم

هما ناس بتشتغل و احنا ناس بتتكلم

احنا ناس مش قادرين نقول لالالالالالالالالالالالالالالالالالالالالالالا



لا لامريكا

ولا للصهاينة

و لا لتهويد القدس

و لا للتخلف

و لا لكل حد و كل حاجة ضد اسلامنا



"و لن تكون كلمتنا من رأسنا حتى تكون لقمتنا من فأسنا"



تفتكروا بعد ال3 صور دول و مش هنتكلم بقى عن اليابان ولا الصين ولا اى دولة تانية منعا بس لامراض السكر و القلب و الحاجات دى و احنا لسة شباب -ربنا يشفى كل مرضى المسلمين-



تفتكرو فى امل

فى امل فينا و بينا

ولا ......؟؟!!!



و ازاااااااااااااااااااااااى؟؟

احنا كل شوية نقول هما متقدمين و هما و هما ...

بس مابنقولش حل



كتير اوى بنعمل مواضيع لفلسطين و نقول حلول منها اللى بنشوفه انه نظرى و منها بيبقى عملى بس مش بنطبقه و منها اللى بنطبقه

و فى الاخر نقول كلمة شهيرة

مش بايدينا غير الدعاء ..!!



من رايكم ايه الحلول اللى نقدر نعملها لديننا و لبلدنا و لفلسطين و للعالم كله بصفتنا مسلمين و بالتالى رسالتنا عالمية للعالم كله مش لينا احنا بس ؟؟؟؟؟؟؟؟؟

ازاى نطور من عقلنا و تفكيره ؟؟

ازاى نقدر ننافس طلاب الغرب و نتفوق عليهم ؟؟

الخميس، 27 أغسطس، 2009

برامج رمضان ..

السلام عليكم و رحمة الله
كل سنة و حضراتكم طيبين يارب ..
لهواة التليفزيون
دى يا جماعة مواعيد معظم البرامج الدينية فى رمضان
و دى حلقات البرامج للى يحب يحملها
"لا تنسونى من صالح دعائكم"

السبت، 15 أغسطس، 2009

ورقة رمضان .. هام جدا


يوم في حياة صائم ( مشاريع رمضان )

بسم الله والصلاة والسلام على رسول الله –صلى الله عليه وسلم - ... أخي الحبيب ... كل عام وأنتم بخير ...* هل تريد أن تحمي نفسك من عطش 50.000 سنة يوم القيامة ؟؟عندما تصوم يوما في رمضان فإنك تصوم 14 ساعة أي =50000 ثانية تقريبًا فهل تتخيل أن صوم 50000 ثانية في رمضان يقيك عطش 50000 سنة يوم القيامة ؟؟؟
أي ان الثانية الواحدة في رمضان بسنة كاملة من سنوات الحر والعطش يوم القيامة !!!!!
* أخي الحبيب ... إذا فاتك رمضان ....لن يعوض ... ألا يكفي كل رمضان ضاع في حياتك من قبل ...إذا وقعت فقم ... لا تيأس... اجعله كأنه آخر رمضان في حياتك واشحذ عزمك وانطلق معنا في هذه المشاريع قدر وسعك:-** مشروع كيف تربح المليار في 30 يوم:
هل تعلم أن حسنات ختمة قرآن واحدة في الأيام العادية = 3,3 مليون حسنة إذا تقبلها الله – سبحانه وتعالى - ( أي تمحو 3,3 مليون سيئة ) ... ومضاعفة الحسنات في رمضان جعلت ثواب العمرة في رمضان = ثواب الحج مع رسول الله !! ...
فما بالك بثواب ختمة القرآن في رمضان ؟؟؟ مئات الملايين من الحسنات بين يديك فهل ستضيعها ثم تندم على الحسنة الواحدة يوم الفزع الأكبر ؟ هكذا رصيدك أعلى من رصيد أصحاب شركات المحمول والملتي ناشيونال جروبز !!
** مشروع ضربة البدء :
اجعل بداية الشهرهي أقوى مافي الشهر كله .. فور بداية أول ليلة في رمضان .. اشحذ عزمك وصمم أن تكون هذه الليلة هي ليلة العتق من النار ... من أول ليلة بإذن الله ..وكل ليلة فور الإفطار اعزم أن تكون هذه الليلة هي ليلة العتق من النار ...( إن لله تبارك وتعالى عتقاء في كل يوم وليلة ) صححه الألباني..أمامك 60 فرصة للعتق من النار في كل يوم فرصة وفي كل ليلة فرصة ... يعني في رمضان :- إذا صحت ليلة واحدة .....انقاذ لمصيرك كله ... إذا صح يوم واحد ..... إنقاذ لمصيرك كله
. ** مشروع رمضان غيرني (مشروع التحضير للتراويح )
قم بتحضير الجزء الذي ستسمعه ليلا في صلاة التراويح بقراءته بعد العصر بتدبر وخشوع .. وسترى الفارق الكبير في خشوعك في التراويح ( هكذا أنت تسير في ختمتين معا .. ختمة سماع في التراويح و ختمة تلاوة بعد العصر) ... وإن استطعت أن تقرأ في تفسير هذا الجزء أو تسمع شريطاً في تفسيره لنلت ختمة نَدَرَ ... من يطبقها اليوم !!! ... وهي ختمة المدارسة .... وهكذا حقا ...... يأتي التغيير في رمضان ...( متوسط تفسير الجزء في تفسير السعدي29 صفحة فقط للجزء الواحد )
** مشروع مفاتيح خزائن الله·
هل تعلم أن لك في رمضان 60 دعوة مستجابة يعنى أن 60 مشكلة من مشاكل حياتك يمكن أن تحل , 60 حلمًا من أحلام حياتك يمكن أن يتحقق ...( ولكل مسلم في كل يوم وليلة دعوة مستجابة ) صححه الألباني... لو أن أغنى أغنياء العالم أعطاك 60 شيك على بياض – كيف يكون فرحك ؟_ولله المثل الأعلى_ الله أعطاك 60 دعوة مستجابة لكل يوم وليلة ·غير حياتك في نصف ساعة : ( احتفظ بكتيب دعاء في جيبك واقرأ فيه بتضرع كل يوم ولا تضيع مفاتيح خزائن الله في حياتك )
** مشروع حج مع رسول الله –صلى الله عليه وسلم-:( عمرة في رمضان كحجة معي )
لا يوجد عمل يجعلك مع رسول الله كالصحابة مثل عمرة في رمضان
** مشروع زيادة الأرزاق وتوسيعها :
عندك مشكلة في الرزق ؟؟ تريد وظيفة مجزية ؟؟ تريدين زوجًا ؟؟ تريدين ذرية وأولاد؟؟ تريد زوجة ؟؟؟ (من أراد أن يبسط له في رزقه وينسأ له في أثره فليصل رحمه )...لاتنسى عزومة على الإفطار لرحمك وجيرانك .** مشروع 30 قصر في الجنة:ليس 30 قصرًا في الساحل الشمالى أو سواحل هاواي أو نيس الفرنسية ... بل في الجنة... حافظ كل يوم على 12 ركعة سنة رواتب ( 2 قبل الفجر/ 4 قبل الظهر و 2 بعده / 2 بعد المغرب / 2 بعد العشاء)
** مشروع 7 حجات يومياً في رمضان :
5 حجات : هل تعلم أنك إذا سمعت الأذان فقمت فوراً فتوضأت وانطلقت فوراً إلى المسجد فصليت فيه الفريضة لك ثواب حجة ( من خرج من بيته متطهرا إلى صلاة مكتوبة فأجره أجر الحاج المحرم )صححه الألباني .. (( وللنساء نفس الأجر في منزلها إن شاء الله إذا صحت نيتها بطاعة الله ورسوله بالقرار في البيت وهي راضيه )
حجة أخرى: ( من صلى صلاة الغداة " أي الفجر" في جماعة ثم جلس يذكر الله حتى تطلع الشمس ثم قام فصلى ركعتين انقلب بأجر حجة وعمرة ) صححه الألباني ...... جلسة الضحى وحدها تفوز بسببها بأجر 30 حجة وعمرة في رمضان .
حجة أخرى ..صح عن رسول الله أن حضور درس علم له أجر حجة ... صلى التراويح في مسجد فيه كلمة بين الركعات فهي تقوم مقام درس العلم بإذن الله.... هل هناك عاقل يضيع سبع حجات يومياً !!!
** مشروع الكنز الضائع :
غالب الناس يضيع الساعة التي بعد الإفطار رغم أنك لو قرأت فيها جزءاً من كتاب الله لقرأت فيها على مدى الشهر ختمة كاملة ؟؟؟ فماذا يعطلك عن ثواب ختمة كاملة ؟؟!! هل يعوضك عن ذلك برنامج كوميدي ؟؟ أو حوار مع فنان ؟؟** مشروع رهبان الليل ( فرسان التهجد )اقرأ هذا الحديث المبهر ( إن الله ليمهل في شهر رمضان كل ليلة حتى اذا ذهب ثلث الليل الأول هبط إلى السماء ثم قال هل من سائل يُعطى هل من مستغفر يُغفر له هل من تائب يُتاب عليه ) صححه الألباني .... أكثر مايبهر هنا أن الله ينزل في غير رمضان على أشهر الأقوال كل ليلة في الثلث الأخير من الليل أما في رمضان فيتنزل في آخر ثلثين من الليل , فمعظم الليل في رمضان فرصة هائلة لتفريج الكربات ونيل العطاءات فيا لها من فرصة لا تعوض ؟؟... نم .. لو لم يكن عندك ذنب .. نم ..لو لم تكن محتاجاً لأي شيء من الله.. نم .. لو لم تكن مشتاقا الى جوار الله في الفردوس.
** مشروع ليلة العمر :
ليلة القدر 12 ساعة خيرمن ألف شهر ... أي خير من 720.000ساعة أي ( 3/4 مليون ساعة ) ... إذا ساعة فيها أفضل من 60.000 ساعة ...آية القرآن فيها أعلى من 60.000آية والركعة فيها أعلى من 60.000 ركعة و تفطير صائم فيها أعلى من 60.000 تفطير صائم في غيرها. ..حقا ..( من حرم خيرها فهو المحروم ) حديث صحيح ...إنها حقاً ليلة العمر ... فطر فيها الصائمين …وصل رحمك ولو بالهاتف .... وصالح كل من بينك وبينه مشاحنة ولو بالهاتف ... واقرأ القرآن …وصلى فيها حتى تتفطر قدماك كرسول الله صلى الله عليه وسلم … ومن أفضل العبادات فيها أن تعفو عن كل من ظلمك ... وسل الله العفو فإن الجزاء من جنس العمل ( اللهم انك عفو تحب العفو فاعفو عنا )
** مشروع التأمين على الصيام:
كل صائم تفطره كأنك صمت يوماً آخر من رمضان واليوم بعشرة ( فلو فطـّرتَ 36 صائما كأنك صمت 360 يوما أي جعلت السنة كلها رمضان ( لا تنسى : شنطة رمضان , وضع علب التمر في المسجد , تفطِير الصائمين بالتمر وأنت ذاهب للمسجد , مشروع التفطير على الطرق السريعة والمواقف بالمال والجهد ) وأبشر بعدة رمضانات في ميزانك .
** مشروع فرسان الدعوة :
أخطر موسم يريد كل من له معصيه سماع الدين فيه هو رمضان فيجب أن ننتهز الفرصة.. جاهد بمالك وجهد كفي توزيع الأشرطة وCD على غير الملتزمين والسائقين والمواقف وأصحاب المحلات (عاهدهم أن يسمعوها )... وزع المصاحف الصغيرة الفاخرة في رمضان مقابل القراءة فيها... ادعو 2 من أصحابك طيلة الشهر ليضاف حسناتهم في ميزانك .
** مشروع فرسان رمضان :
عاهد الله في رمضان أن تتوب كل يوم من ذنب معين لا تعود إليه بعدها أبدا بإذن الله ... فأول يوم .. عاهد الله على ترك التدخين , وثاني يوم .. عاهد الله على ترك الإختلاط كله , وثالث يوم .. عاهد الله على ترك الأغاني المحرمة كلها....طهر محمولك والهارد ديسك من أي شيء يغضب الله ... وهكذا ....( لتنفذ كل هذا قاطع الشاشتين في رمضان .. شاشة النت وشاشة الدش )

** مشروع فارسات رمضان :
لابد من ارتداء الحجاب الكامل في رمضان , الحجاب الشرعي حجاب عائشة وفاطمة ..اذا لم تدخلي في رحمة الله وأبواب الجنة كلها مفتوحة وأبواب الرحمة كلها مفتوحة .. وأبواب السماوات السبع مفتوحة .... فمتى ستدخلين؟؟؟!!
** مشروع العناية المركزة (اعتكاف العشر الأواخر )
كم من شباب رأيناهم تغيرت حياتهم تماما بسبب الاعتكاف وكاتب هذه السطور واحد منهم ... اعتكف في مسجد فيه دعاة متفرغين لتربيتك في هذه الأيام . ( احرص على الاعتكاف ولا تتركه )
** مشروع فرسان الذكر :
( سبحان الله والحمد لله ولا إله إلا الله والله أكبر ... أحب الكلام إلى الله ) كل كلمة بشجرة في الجنة ... كل كلمة أعظم عند الله من جبل أحد ... كل كلمة تصعد إلى العرش ستذكر بها عند الله ... قل هذه الكلمات في جلسة الضحى , وأثناء سيرك في الطريق ... ولا تضيع ثوابها العظيم .
** ماذا بعد رمضان ؟؟
عاهد الله في الإعتكاف على عبادة لا تتركها أبدًا بعد رمضان ( صيام , قيام ساعة كل ليلة , ورد قرآن ثابت ) ... وعاهده على ثغر من ثغور نصرة الإسلام انذر حياتك لنصرة الدين من خلاله .. حتى يصبح كل رمضان نقطة تغيير حقيقية في علاقتك بالله .أحبابنا من المسلمين والمسلمات في بلاد الغرب .. لاتدعوا أي شيء يشغلكم عن الله في رمضان .. ولا تنسوا دعوة غير المسلمين إلى الإسلام بأقوالكم وأخلاقكم ودعائكم لهم .
موقع الطريق إلى الله www.way2allah.com
راجع النسخة العربية فضيلة الشيخ / محمد حسين يعقوب

الأربعاء، 29 يوليو، 2009

تصحيح أوضاع ..

السلام عليكم و رحمة الله
يارب يكون الجميع بخير ..
و انا صغيرة كنت اتفرجت ع مسلسل -ربنا يهدى اللى عملوه- عن هارون الرشيد .. بس لما كبرت عرفت انه غلط 100%
كتصحيح للوضع .. و الدفاع عن مسلم و امير للمؤمنين .. اتمنى انكو تقرو الموضوع كامل .. معلش لو طويل
ممكن تقسموه بس بالله عليكم حاولو تقروه ... بجد انا حسيت بفخر و عزة و كرامة لا توصف لما قريته ..
أسمه بالكامل
هارون الرشيد بن المهدي محمد بن المنصور عبد الله بن محمد بن علي ابن عبد الله بن العباس
الكنية
أبو جعفر
ترتيبه في تولي الخلافة
الخامس
تاريخ الميلاد
148
فترة الخلافة بالهجري
170 -193
فترة الخلافة بالميلادي
786 -809
تاريخ الوفاة
193
يعتبر عصر هارون الرشيد واسطة العقد بالنسبة للخلافة الاسلامية أو قل بالنسبة للتاريخ الاسلامي الوسيط كله ، فقد اكتملت للدولة ألوان من العظمة و القوة و المجد العلمي ، و كانت الدولة مهيبة الجانب ، فاحترمتها الدول المجاورة و هابتها .استخلف هارون الرشيد بعهد من أبيه عند موت أخيه الهادي ليلة السبت لأربع عشرة بقيت من ربيع الأول سنة سبعين ومائة .حدث عن أبيه وعن جده ومبارك بن فضالة وروى عنه ابنه المأمون وغيره وكان من أمير الخلفاء واجل ملوك الدنيا ، و كان يحج سنة ، و يغزو سنة ، قال فيه أبو المعالي الكلابي:

فمن يطلب لـقـاءك أو يرده .. فبالحرمين أو أقصى الثغور
ففي أرض العدو على طمر .. وفي ارض الترفه فوق كور
مولده بالري حين كان أبوه أميراً عليها وعلى خراسان ، وكان أبيض طويلاً جميلا مليحاً فصيحاً له نظر في العلم والأدب.وكان يصلي في خلافته في كل يوم مائة ركعة إلى أن مات لا يتركها إلا لعلة ويتصدق من صلب ماله كل يوم بألف درهم.وكان يحب العلم وأهله ويعظم حرمات الإسلام ويبغض المراء في الدين والكلام في معارضة النص.قال أبو معاوية الضرير: ما ذكرت النبي صلى الله عليه وآله وسلم بين يدي الرشيد إلا قال صلى الله على سيدي وحدثه بحديثه صلى الله عليه وآله وسلم "ووددت أني أقاتل في سبيل الله فأقتل ثم أحي فأقتل" فبكى حتى انتحب.وكان الرشيد بايع بولاية العهد لابنه محمد في سنة خمس وسبعين و مائة ولقبه الأمين .مات الرشيد في الغزو بطوس من خراسان ودفن بها في ثالث من جمادى الآخرة سنة ثلاث وتسعين ومائة وله خمس وأربعون سنة وصلى عليه ابنه صالح.مات في أيامه من الأعلام مالك بن أنس والليث بن سعد وأبو يوسف صاحب أبي حنيفة والقاسم بن معن ومسلم بن خالد الزنجي ونوح الجامع والحافظ أبو عوانة اليشكري وإبراهيم بن سعد الزهري وأبو إسحاق الفزاري وإبراهيم بن أبي يحيى شيخ الشافعي وأسد الكوفي من كبار أصحاب أبي حنيفة وإسماعيل بن عياش وبشر بن المفضل وجرير ابن عبد الحميد وزياد البكائي وسليم المقرئ صاحب حمزة وسيبويه إمام العربية وضيغم الزاهد وعبد الله العمري الزاهد وعبد الله بن المبارك وعبد الله بن إدريس الكوفي وعبد العزيز بن أبي حازم والدراوردي والكسائي شيخ القراء والنحاة ومحمد بن الحسن صاحب أبي حنيفة كلاهما في يوم وعلي بن مسهر وغنجار وعيسى بن يونس السبيعي والفضيل ابن عياض وابن السماك الواعظ ومروان بن أبي حفصة الشاعر والمعافي ابن عمران الموصلي ومعتمر بن سليمان والمفضل بن فضالة قاضي مصر وموسى بن ربيعة أبو الحكم المصري أحد الأولياء والنعمان بن عبد السلام الأصبهاني وهشيم ويحيى بن أبي زائدة ويزيد بن زريع ويونس ابن حبيب النحوي ويعقوب بن عبد الرحمن قارئ المدينة وصعصعة ابن سلام عالم الأندلس أحد أصحاب مالك وعبد الرحمن بن القاسم اكبر أصحاب مالك والعباس بن الحنف الشاعر المشهور وأبو بكر ابن عياش المقرئ ويوسف بن الماجشون وخلائق آخرون كبار.وفي سنة ست وسبعين و مائة فتحت مدينة دبسة على يد الأمير عبد الرحمن بن عبد الملك بن صالح العباسي.وفي سنة تسع وسبعين و مائة اعتمر الرشيد في رمضان ودام على إحرامه إلى أن حج ومشى من مكة إلى عرفات.وفي سنة ثمانين و مائة كانت الزلزلة العظمى وسقط منها رأس منارة الإسكندرية.وفي سنة إحدى وثمانين و مائة فتح حصن الصفصاف عنوة وهو الفاتح له.وفي سنة ثلاث وثمانين و مائة خرج الخزر على أرمينية فأوقعوا بأهل الإسلام وسفكوا وسبوا أزيد من مائة ألف نسمة وجرى على الإسلام أمر عظيم لم يسمع قبله مثله.وفي سنة سبع وثمانين و مائة أتاه كتاب من ملك الروم نقفور بنقض الهدنة التي كانت عقدت بين المسلمين وبين الملكة ريني ملكة الروم ، فسار الرشيد ليومه فلم يزل حتى نازل مدينة هرقل وكانت غزوة مشهورة وفتحاً مبيناً فطلب نقفور الموادعة والتزم بخراج يحمله كل سنة فأجيب فلما رجع الرشيد إلى الرقة نقض العهد لإياسه من كرة الرشيد في البرد فلم يجترئ أحد أن يبلغ الرشيد نقضه بل قال عبد الله بن يوسف التيمي:
نقض الذي أعطيته نقفور فعليه دائرة البوار تدور أبشر أمير المؤمنين فإنه غنم أتاك به الإله كبـير وفي سنة تسع وثمانين و مائة فادى الروم حتى لم يبق بممالكهم في الأسر مسلم.وفي سنة تسعين و مائة فتح هرقل وبث جيوشه بأرض الروم فافتتح شراحيل ابن معن بن زائدة حصن الصقالبة وافتتح يزيد بن مخلد ملقونية وسار حميد ابن معيوف إلى قبرس فهدم وحرق وسبى من أهلها ستة عشر ألفاً.
كان الرشيد رضي الله عنه يتواضع لأهل الخير فقعد بين يدي مالك ، و قبل يدي حسين الجعفي ، و صب الماء على يدي ابي معاوية الضرير .روي أن ابن السماك دخل على الرشيد يوماً فاستسقى فأتى بكوز فلما أخذه قال على رسلك يا أمير المؤمنين لو منعت هذه الشربة بكم كنت تشتريها قال بنصف ملكي قال اشرب هنأك الله تعالى فلما شربها قال: أسألك لو منعت خروجها من بدنك بماذا كنت تشتري خروجها قال: بجميع ملكي قال إن ملكاً قيمته شربة ماء وبوله لجدير أن لا ينافس فيه فبكى هارون الرشيد بكاء شديداً.
ومما رواه الرشيد من الحديث قال الصولي: حدثنا عبد الرحمن بن خلف حدثني جدي الحصين بن سليمان الضبي سمعت الرشيد يخطب فقال في خطبته حدثني مبارك بن فضالة عن الحسن عن أنس قال قال رسول الله صلى الله عليه وسلم "اتقوا الله ولو بشق تمرة" حدثني محمد بن علي عن سعيد بن جبير عن ابن عباس عن علي بن أبي طالب قال قال النبي صلى الله عليه وسلم "نظفوا أفواهكم فإنها طريق القرآن".
ما قبل الخلافةنشأ الرشيد في بيت ملك، وأُعد ليتولى المناصب القيادية في الخلافة، وعهد به أبوه الخليفة "المهدي بن جعفر المنصور" إلى من يقوم على أمره تهذيبًا وتعليمًا وتثقيفًا، وحسبك أن يكون من بين أساتذة الأمير الصغير "الكسائي"، والمفضل الضبي، وهما مَن هما علمًا ولغة وأدبًا، حتى إذا اشتد عوده واستقام أمره، ألقى به أبوه في ميادين الجهاد، وجعل حوله القادة الأكفاء، يتأسى بهم، ويتعلم من تجاربهم وخبراتهم، فخرج في عام (165 هـ= 781م) على رأس حملة عسكرية ضد الروم، وعاد محملاً بأكاليل النصر، فكوفئ على ذلك بأن اختاره أبوه وليًا ثانيًا للعهد بعد أخيه موسى الهادي.وكانت الفترة التي سبقت خلافته يحوطه في أثنائها عدد من الشخصيات السياسية والعسكرية، من أمثال "يحيى بن خالد البرمكي"، و"الربيع بن يونس"، و"يزيد بن مزيد الشيباني" و"الحسن بن قحطبة الطائي"، و"يزيد بن أسيد السلمي"، وهذه الكوكبة من الأعلام كانت أركان دولته حين آلت إليه الخلافة، ونهضوا معه بدولته حتى بلغت ما بلغت من التألق والازدهار.

تولّيه الخلافة
تمت البيعة للرشيد بالخلافة في (14 من شهر ربيع الأول 170هـ= 14 من سبتمبر 786م)، بعد وفاة أخيه موسى الهادي، وبدأ عصر زاهر كان واسطة العقد في تاريخ الدولة العباسية التي دامت أكثر من خمسة قرون، ارتقت فيه العلوم، وسمت الفنون والآداب، وعمَّ الرخاء ربوع الدولة.وكانت الدولة العباسية حين آلت خلافتها إليه مترامية الأطراف تمتد من وسط أسيا حتى المحيط الأطلنطي، مختلفة البيئات، متعددة العادات والتقاليد، معرضة لظهور الفتن والثورات، تحتاج إلى قيادة حكيمة وحازمة يفرض سلطانها الأمن والسلام، وتنهض سياستها بالبلاد، وكان الرشيد أهلاً لهذه المهمة الصعبة في وقت كانت فيه وسائل الاتصال شاقة، ومتابعة الأمور مجهدة، وساعده على إنجاز مهمته أنه أحاط نفسه بكبار القادة والرجال من ذوي القدرة والكفاءة، ويزداد إعجابك بالرشيد حين تعلم أنه أمسك بزمام هذه الدولة العظيمة وهو في نحو الخامسة والعشرين من عمره، فأخذ بيدها إلى ما أبهر الناس من مجدها وقوتها وازدهار حضارتها.

هارون الرشيد مجاهدًا
كانت شهرة هارون الرشيد قبل الخلافة تعود إلى حروبه وجهاده مع الروم، فلما ولي الخلافة استمرت الحروب بينهما، وأصبحت تقوم كل عام تقريبًا، حتى إنه اتخذ قلنسوة مكتوبًا عليها: غاز وحاج.وقام الرشيد بتنظيم الثغور المطلة على بلاد الروم على نحو لم يعرف من قبل، وعمرها بالجند وزاد في تحصيناتها، وعزل الجزيرة وقنسرين عن الثغور، وجعلها منطقة واحدة، وجعل عاصمتها أنطاكية، وأطلق عليها العواصم، لتكون الخط الثاني للثغور الملاصقة للروم، ولأهميتها كان لا يولي عليها إلا كبار القادة أو أقرب الأقربين إليه، مثل "عبد الملك بن صالح" ابن عم أبي جعفر المنصور أو ابنه "المعتصم".وعمّر الرشيد بعض مدن الثغور، وأحاط كثيرًا منها بالقلاع والحصون والأسوار والأبواب الحديدية، مثل: قلطية، وسميساط، ومرعش، وكان الروم قد هدموها وأحرقوها فأعاد الرشيد بناءها، وأقام بها حامية كبيرة، وأنشأ الرشيد مدينة جديدة عرفت باسم "الهارونية" على الثغور.وأعاد الرشيد إلى الأسطول الإسلامي نشاطه وحيويته، ليواصل ويدعم جهاده مع الروم ويسيطر على الملاحة في البحر المتوسط، وأقام دارًا لصناعة السفن، وفكّر في ربط البحر الأحمر بالبحر المتوسط، وعاد المسلمون إلى غزو سواحل بحر الشام ومصر، ففتحوا بعض الجزر واتخذوها قاعدة لهم، مثلما كان الحال من قبل، فأعادوا فتح "رودس" سنة (175هـ= 791م)، وأغاروا على أقريطش "كريت" وقبرص سنة (190هـ= 806م).واضطرت دولة الروم أمام ضربات الرشيد المتلاحقة إلى طلب الهدنة والمصالحة، فعقدت "إيريني" ملكة الروم صلحًا مع الرشيد، مقابل دفع الجزية السنوية له في سنة (181هـ= 797م)، وظلت المعاهدة سارية حتى نقضها إمبراطور الروم، الذي خلف إيريني في سنة (186هـ = 802م)، وكتب إلى هارون: "من نقفور ملك الروم إلى ملك العرب، أما بعد فإن الملكة إيريني التي كانت قبلي أقامتك مقام الأخ، فحملت إليك من أموالها، لكن ذاك ضعف النساء وحمقهن، فإذا قرأت كتابي فاردد ما حصل قبلك من أموالها، وافتد نفسك، وإلا فالحرب بيننا وبينك".فلما قرأ هارون هذه الرسالة ثارت ثائرته، وغضب غضبًا شديدًا، وكتب على ظهر رسالة الإمبراطور: "من هارون أمير المؤمنين إلى نقفور كلب الروم، قد قرأت كتابك يا ابن الكافرة، والجواب ما تراه دون أن تسمعه، والسلام".وخرج هارون بنفسه في (187 هـ= 803م)، حتى وصل "هرقلة" وهي مدينة بالقرب من القسطنطينية، واضطر نقفور إلى الصلح والموادعة، وحمل مال الجزية إلى الخليفة كما كانت تفعل "إيريني" من قبل، ولكنه نقض المعاهدة بعد عودة الرشيد، فعاد الرشيد إلى قتاله في عام (188هـ= 804م) وهزمه هزيمة منكرة، وقتل من جيشه أربعين ألفا، وجُرح نقفور نفسه، وقبل الموادعة، وفي العام التالي (189هـ=805م) حدث الفداء بين المسلمين والروم، ولم يبق مسلم في الأسر، فابتهج الناس لذلك.غير أن أهم غزوات الرشيد ضد الروم كانت في سنة ( 190 هـ= 806م)، حين قاد جيشًا ضخماً عدته 135 ألف جندي ضد نقفور الذي هاجم حدود الدولة العباسية، فاستولى المسلمون على حصون كثيرة، كانت قد فقدت من أيام الدولة الأموية، مثل "طوانة" بثغر "المصيصة"، وحاصر "هرقلة" وضربها بالمنجنيق، حتى استسلمت، وعاد نقفور إلى طلب الهدنة، وخاطبه بأمير المؤمنين، ودفع الجزية عن نفسه وقادته وسائر أهل بلده، واتفق على ألا يعمر هرقلة مرة أخرى .

بلاط الرشيد محط أنظار العالم
ذاع صيت الرشيد وطبق الآفاق ذكره، وأرسلت بلاد الهند والصين وأوروبا رسلها إلى بلاطه تخطب وده، وتطلب صداقته، وكانت سفارة "شارلمان" ملك الفرنجة من أشهر تلك السفارات، وجاءت لتوثيق العلاقات بين الدولتين، وذلك في سنة ( 183هـ= 779م)؛ فأحسن الرشيد استقبال الوفد، وأرسل معهم عند عودتهم هدايا قيمة، كانت تتألف من حيوانات نادرة، منها فيل عظيم، اعتبر في أوروبا من الغرائب، وأقمشة فاخرة وعطور، وشمعدانات، وساعة كبيرة من البرونز المطلي بالذهب مصنوعة في بغداد، وحينما تدق ساعة الظهيرة، يخرج منها اثنا عشر فارسًا من اثنتي عشرة نافذة تغلق من خلفهم، وقد تملك العجب شارلمان وحاشيته من رؤية هذه الساعة العجيبة، وظنوها من أمور السحر.

الرشيد وأعمال الحج
نظم العباسيون طرق الوصول إلى الحجاز، فبنوا المنازل والقصور على طول الطريق إلى مكة، طلبًا لراحة الحجاج، وعُني الرشيد ببناء السرادقات وفرشها بالأثاث وزودها بأنواع الطعام والشراب، وبارته زوجته "زبيدة" في إقامة الأعمال التي تيسر على الحجيج حياتهم ومعيشتهم، فعملت على إيصال الماء إلى مكة من عين تبعد عن مكة بنحو ثلاثين ميلاً، وحددت معالم الطريق بالأميال، ليعرف الحجاج المسافات التي قطعوها، وحفرت على طولها الآبار والعيون .

وفاة الرشيد
كان الرشيد على غير ما تصوره بعض كتب الأدب، دينا محافظًا على التكاليف الشرعية، وصفه مؤرخوه أنه كان يصلي في كل يوم مائة ركعة إلى أن فارق الدنيا، ويتصدق من ماله الخاص، ولا يتخلف عن الحج إلا إذا كان مشغولاً بالغزو والجهاد، وكان إذا حج صحبه الفقهاء والمحدثون.وظل عهده مزاوجة بين جهاد وحج، حتى إذا جاء عام (192 هـ= 808م) فخرج إلى "خرسان" لإخماد بعض الفتن والثورات التي اشتعلت ضد الدولة، فلما بلغ مدينة "طوس" اشتدت به العلة، وتُوفي في (3 من جمادى الآخر 193هـ= 4 من إبريل 809م) بعد أن قضى في الخلافة أكثر من ثلاث وعشرين سنة، عدت العصر الذهبي للدولة العباسية .

الاثنين، 20 يوليو، 2009

الناجح يرفع ايده ..هييييييييييييييييييه


السلام عليكم و رحمة الله
بجد متاسفة جدا و الله للغياب ده ..
بس جايبالكم خبر حلو
الا و هو
.
.
.
.
.

.
.
..
.

.
فاكرين ساعة ماقلتلكم همتحن و ادعولى..شكل دعواتكم مستجابة بج
الحمد لله طلعت الاووووووووووووووووووووووووولى و امتياااااااااز
بجد انا فرحانة اوى اوى اوى
و حبيت افرح معاكم
و كمان عايزة اطلب منكم طلب بقى و دى هدية النجاح
عايزاكم تدعولى ان ربنا يجعلنى سبب فى نصرة الاسلام .. و انى افيد بلدى و فلسطين .. و انى اكون رمز جميل للمسلمة .. و ان ربنا يرضى عنى
احفظو الدعوات دى كل مااعمل موضوع هفكركم تدعولى و ادعولى بيهم الله يكرمكم
يمكن باذن الله ربنا يستجيبهم و يبقى ليكم ثواب الدعوة
ده بجانب ان الملك هيدعيلكم بالمثل و انا و الله مش ناسياكم و بدعيلكم كلكم
ده وعد ع فكرة
بجد وحشتونى اوى اوى باذن الله مش هيتكر الغياب ده

السبت، 27 يونيو، 2009

طلب ...

السلام عليكم و رحمة الله
مبدايا انا بجد مش عارفة انا بعمل الموضوع ده و اكتبه هنا ليه
بس انا بجد محتاجة دعاء كل حد بيدخل مدونتى جدااااااااااا بجد و الله محتاجة دعائكم جداااااااا جدااااااااا
بالله عليكم ادعولى كتييييييير ان ربنا ينورلى بصيرتى و يهدينى للصح الله يكرمكم
و يخلصنى من الحيرة اللى انا فيها دى
جزاكم الله كل خير


الخميس، 25 يونيو، 2009

ينادى فؤادى ...

السلام عليكم و رحمة الله
دى يا جماعة انشودة "ينادى فؤادى" للمنشد محمد العمرى ( و فى مواقع كاتبة انها بتاعت المنشد حمود الخضر فانا مش عارفة بالتحديد )بجد كلمة رااااااااائعة قليلة عليها
الكلمات
ينادي فؤادي بليل السكون *** بدمع العيون برجع الصدى
لك الحمد إني حزين حزين *** وجرحي يلوّن درب المدى
ولولا الهدى ، ربنا واليقين *** لضاعت زهور الجراح سدى
جراحي وماذا تكون الجراح *** أليست جراحي هدايا القدر
إذا ما ارتضيت يطير الجناح *** يكحل بالنور عين القمر
لك الحمد في الليل حتى الصباح *** لك الحمد في الصبح حتى السحر
جراحي ومالي جراح سوى *** ذنوبي فكيف اداوي الذنوب
للتحميل

الخميس، 18 يونيو، 2009

حسبى الله و نعم الوكيل

السلام عليكم و رحمة الله
ياااااااااارب تكونوا كلكم بالف خير ياااااارب
********************
"حسبى الله و نعم الوكيل "
الدعاء ده جميييييييييل اوووووووووى اوووووووى
بيريح اوى
لما تلاقى الناس كلها ضدك لمجرد انك عايز ربنا
قولها
قول حسبى الله و نعم الوكيل يكفينى
يكفينى ربى و رب الناس
يكفينى رب السماء و الارض
يكفينى الله
لما تكونى مترددة بين كلام الناس و بين الحجاب الشرعى
قوليها
قولى باعلى صوتك
حسبى الله و نعم الوكيل
هو يكفينى
الله ..الله يكفيكى و يكفينا بس نعتمد عليه
لما تلاقى الاطفال بتتقتل و الارض بتغتصب و الدم مبااااااااااااااح لقرود الزمان و كلاب الارض
قولو حسبى الله و نعم الوكيل
لما تلاقى الناس ظالماك و بتتكلم عنك بحاجة شم حصلت
قول حسبى الله و نعم الوكيل
و الله تكفيك
لما تلاقى زمايلك بيعاملوك وحش
بس
لانك قلتلهم مش هسمع اغانى
قول حسبى الله و نعم الوكيل
يكفينا و الله يا جماعة
و الله لو اعتمدنا عليه و رضينا بيه سبحااااااااااانه هيكفينا ..هيكفينا كل حاجة
الناس
الدنيا
الشيطان
نفسنا
الامنا
همومنا
ذنوبنا
بجد انا مش عارفة اقول ايه
بس "حسبنا الله و نعم الوكيل"


الجمعة، 12 يونيو، 2009

ضعف و لا قوة ؟؟؟؟!!!!!!!

السلام عليكم و رحمة الله
ياااااارب تكونو كلكم بخير
"ان صمتى لا يعنى جهلى بما يدور حولى و لكن مايدور حولى لا يستحق الكلام"
بحبها اوووووووى الجملة دى
لما نلاقى حد بنحبه اووووى و المفروض هو كمان كده -هو للبنت و الولد -و فجاة
جرح
و صدمة
هنعمل ايه ؟؟؟؟
متهيالى مش ادامى ل غير انى اقول "لا يستحق الكلام"
لما نلاقى حد بدون سبب او اى مبرر عمال يسئ لينا و يشوه فينا
مع اننا مااذيناهوش يبقى مش ادامى غير
"لا يستحق الكلام"
لما الاقى الناس بقت اشبه بوحوش غابة
ماتعرفش حاجة غير نفسها
يبقى "لا يستحق الكلام"
لما الاقى حد بيقولى صفة وحشة فيا هيا ابعد شئ عنى و اقرب شئ ليه
يبقى برده
"لا يستحق الكلام"
لما الاقى ناس بتدافع عن حق مش من حقها و مستميتة فى الدفاع
و بكل جراة او بكل (وقاحة)بيغلطو فينا
يبقى "لا يستحق الكلام"
هل انتو شايفينها ضعف
لما نحس ان اللى ادامنا سواء موقف او شخص مايستاهلش انى اتكلم
ماينفعش اخد حقى منه
و اسكت
هو ده ضعف؟
طيب مش ممكن ده يبقى منتهى القوة؟
يعنى انا هقولكم موقف يمكن يقرب قصدى
و انا فى 3 اعدادى كنت بمتحن فى مدرسة مش بتاعتى
المهم
و انا طالعة اخر يوم فى الامتحانات لاقيت واحدة مااعرفهاش نهائى و مش من مدرستى اساسا واقفة فى الشارع عمالة تشتمنى
مع انى ماعملتلهاش اى حاجة و لا كنت اعرفها اصلا
المهم فانا قلت لصحباتى ياللا عشان نمشى و تجاهلتها تماما
صحباتى اتضايقو جدااااااااا طبعا و قاولولى انتى كده ضعيفة و مش عارف ايه
المهم المنظر كالتالى
البنت عمالة تشتم و انا عمالة اقنع صحباتى اننا نمشى و متجاهلاها تماما
فى الاخر
نزل فراش المدرسة هزاها فى نص الشارع ادام كل اللى فى الشارع
قلتلهم شفتو بقى
الانسانة دى لو اتكلمت معاها كنت هقلل من نفسى انما و لا كلمة مناللى قالته اهانتنى كل كلامها اهانها هيا
بس و انتهى الموقف
حد فهم قصدى؟

الأربعاء، 3 يونيو، 2009

السلام عليكم و رحمة الله



اولا بجد بجد بجد وحشتونى جدا و الله و وحشتنى ارائكم جداااااااا



لسة ماخلصتش فاضلى جولوجيا السبت و ابقى كده براءة



بس قلت استعد بقى للاجازة



موضوع النهاردة تقريبا كلمتين
فى بنت تبقى مش جميلة
بس لما تحط ميك اب
تبقى ماشاء الله قمورة
بس الحقيقة مش جميلة
و اوقات بنت تبقى قمورة و لما تحط ميك اب
مش تحطه كويس فظاهريا الشكل بيبقى مش حلو بس عايز اللى يدقق
اوقات
بتبقى فى صورة مخيفة شوية
زى الذئب مثلا
لما نشوفها نخاف اوى
بس لو اترسم معاه شجر و سما و جناين
نقول سبحان الله
منظر طبيعى جميل
مع انه فى الاصل ديب
و اوقات تبقى وردة جميلة بس للاسف
غلطنا و رسمنا حواليها شوك او نسينا نرسم جزء من الوردة
بنقول ياه الصورة شم متناسقة
منظرها مش حلو
مع انها فى الاصل وردة
الموضوع يمكن ناس تحسه غامض شوية
بس اتمنى فكرته توصل و ناس كتير تراجع نفسها
سلام مؤقتا بقى لحد يوم السبت

السبت، 2 مايو، 2009

اعتقااااال !!!





السلام عليكم و رحمة الله


ياااااااارب يكون الجميع بخير


سيداتى انساتى سادتى:

تعلن كلية العلوم عن اعتقال الطالبة : أمل الحياة و ذلك لحين انهائها فترة الامتحانات المقررة عليها


و قد علمنا من مصدر موثوق به ان اخر طلب للضحية قبل اعتقالها

ان يدعو لها كل اخوانها المدونين و المدونات بالتفوق و تحقيق الذات


***انتهى البيان***


و بعد هذا البيان القاسى من نوعه و الذى سبب قلق مبالغ فيه للطالبة المسكينة

نعتذر لسيادتكم عن متابعة المدونة و مدونات حضراتكم

و نلتقى باذن الله بعد الفاصل






الأحد، 26 أبريل، 2009

ليييييييه بنعمل كده؟؟؟؟




السلام عليكم و رحمة الله

ازيكم يا جماعة اخباركم ايه؟يارب يكون الجميع بخير

و الناس اللى فى الجامعة يكونو تمام

و اللى بيمتحنو ميد تيرم تكون النتيجة تمام

و الناس اللى بتشتغل يارب تاخدو حوافز و طبعا الناس اللى فى ثانوية يارب يارب تحققو احلامكم و ربنا يعينكم يارب ....شدو حيلكم

متهيالى كده مش نسيت حدادخل فى الموضوع بقى

الموضوع كله يتلخص فى سؤال ليه بنتعمد نجرح بعض؟


بس الاول قبل ما ادخل فى الموضوع عايزين بس نتفق ع حاجة اى حاجة عن الحب ممكن تيجى فى الموضوع انا بتكلم عن الحب عامة حب اقارب و اخوات و اصحاب و ممكن حد تانى بس الحب اللى مش يغضب ربنا

ارجع بقى تانى للسؤال ليه بنتعمد نجرح بعض؟

ليه يا جماعة لما يكون حد بنحبه و بيحبنا و حصل موقف حتى لو موقف جامد ليه مش بنسامح

طيب مش قادر تسامح ليه بتتعمد تجرحه

يعنى اوقات بنجرح غيرنا بدون قصد

بس ليه نتعمد و نفكر ازاى نجرح غيرنا خاصة لو غيرنا ده حد بنحبه

مش بنحط نفسنا مكان غيرنا و ع طول و بسرعة غيرنا غلطان و احنا اللى دايما صح و احنا اللى دايما مش بنغلط و نظلم غيرنا و مش كده و بس لا كمان بنتفنن فى الوسائل اللى تجرحه و لا كانه انسان

عمرنا ما بنعمل تبادل ادوار


طيب ايه رايكم تيجو كده نتخيل الموقفين

حد بنحبه و عارفين انه بيحبنا عمل موقف معانا بس موقف جامد شوية لا شويتين تلاتة

و مش قادرين نسامح اول موقف


اننا هتتعمد نجرحه كرد فعل لجرحه لينا او انه زعلنا

اوكى جرحناه

طبعا هيرد علينا بجرح او هيبقى احسن مننا و مش يرد الجرح ده

بس طبعا مادام احنا اصلا بنتعمد نجرحه فهنجرح تانى و تالت و لحد مانتعب بقى

و فى الاخر يحصل حاجة من 3 حاجات

لاما نكتشف ان الانسان اللى احنا عمالين نجرحه ده هو اكتر انسان حبنا و كان باقى علينا

لاما فى يوم هتكتشف ان الدنيا احقر من انك تعيشها عشان تجرح غيرك و تدمره و تعيش حياتك كلها فى مؤامرات كانك فى حرب

لاما هتكتشف ان الانسان ده مش يستاهل و لا ثانية تضيع من عمرك

و فى ال3 احوال مافيش حد هيندم الا انت

الموقف التانى

بقى اه هو جرحنا و كل حاجة و احنا مش قادرين نسامح ع الاقل فى الفترة دى بس هننسحب من حياة الشخص ده

ع الاقل لحد لما نهدى او اننا نواجهه و هتكون نتيجة المواجهة

اما انك تنسحب من حياته عشان مش تجرحه

اما انك تسامحه لانك مازلت بتحبه و هو كمان

احسن حاجة فى الموقف التانى انك هتكون عايش مرتاااااااااااح مافيش بقى التفكير بتاع هدمره و والله لاجرحه و لو مش اتجرح بطريقة فى 176474826748طريقة


حاجة بقى عايزة اقولها للناس اللى بتحب تجرح غيرها

و الله العظيم الدنيا مش مستاهلة ابدااااااااااااااا انك تعمل كده و لا انت هتتحمل حسرة انك تيجى فى اخر عمرك و تكتشف ان حياتك كلها ضاعت فى لا شئ و لا هدف

و بعدين ده حد كنت بتحبه فى يوم من الايام ليه تحول الحب ده لكره

انسحب من حياته و خليه هو كمان ينسحب من حياتك

مش لازم تكملو مادام لاقيتو الحب بيختفى حاولو تحتفظو بالباقى منه و بلاش تجرح حد لانك مش هتستحمل حد يجرحك

و كما تدين تدان

و برده جملة للناس بقى اللى بتتجرح

"ابتسم فلا احد يستحق دموعك و من يستحقها فلن يجعلك تبكى"

بجد لو حد حبك او عارف انك بتحبه و مقدر ده منك و الله ما هيجرحك و لو حصل بدون قصد مش هيستحمل جرحه ليك و هيخفف الجرح ده بكل طاقته

ماتبكيش ع اللى بايعك و لا اللى مش يستاهلك بس

فى نفس الوقت اوعى تظلم حد

و اعرف ان اللى يتعامل معاك و يفهمك غلط اما انه عايز يفهمك غلط و اما انه مش قادر يفهمك

فما تتعبش نفسك كتير

ما فيش انسان الكل هيرضى عنه و لا فى انسان هيكسب حب الكل

الأحد، 19 أبريل، 2009

مابين الواقع و الخيال...عالم النت



السلام عليكم و رحمة الله


ازيكم يا جماعة ؟ عاملين ايه ؟

يااااااااااارب تكونوا بخير ياااااارب
ندخل فى الموضوع
ايه رايكم فى النت؟
النت بكل حاجة فيه
منتديات..شات-ع الميل مش غرف الشات-..معلومات..ابحاث..دراسة.......و برده المدونات..يعنى كل حاجة
هو النت فعلا لو مش دراسة او علم يبقى مضيعة للوقت؟؟؟؟
اوقات كتير بفكر هل لو د\احمد زويل و هو ادنا كان النت منتشر زى دلوقتى
هل كان هيستخدمه زينا كده؟
و لا هيبقى للعلم فقط؟
و لا مش هيستخدمه اصلا؟
تعالو نتكلم بتنظيم اكتر
اولا بالنسبة للمنتديات
من وجهة نظرى
المنتدى بالنسبة لى مكان بتناقش فيه مع عقليات مختلفة
اكيييد بستفيد من المناقشة سواء كانت مناقشة سياسية او اجتماعية او ايا كانت
بتنمى عندى اسلوب الحوار .. الاقناع......كده
برده بقول فيه حاجات من وجهة نظرى نصيحة تفيد غيرى
بجانب ده سهل جدا انى اعمل حاجة للدين خلاله
بس اوقات بخاف ان ده يكون غلط
اقولكم حاجة بمنتهى الصراحة
انا خايفة ييجى عليا لحظة بعد كام سنة
اقول ايه اللى انا ضيعته ده
خايفة ييجى يوم اقول ايه اللى استفدته و اثر فى حياتى
و خايفة اكون ضريت نفسى اكتر ما افدتها
من رايكم انتو بقى
ايه هو عالم المنتديات بالنسبة لكم؟
ازاى بتستفيدو منه كويس؟
هل انتو زى حالاتى كده بتخافو تكونو بتضيعو عمركم ع الفاضى؟
تفتكرو لو احنا شغلنا نفسنا بحاجات تانية هيكون افضل؟ و لا مادام بستفيد يبقى خلاص؟
و السؤال اللى سالته فوق
واحد زى د\احمد زويل تفتكرو كان ممكن يشترك فى منتدى و يشارك فيه ؟
بالنسبة للميل بقى
عندى ماما دايما تقولى الميل ده "قعدة مصطبة"
دايما تقولى بتقعدو تتكلمو و مش بتتحركو
و البلد مش عايزة كلام
و فلسطين مش عايزة جدال
بس انا فى حاجة تانية بتشغلنى فى موضوع الميل و التعارف من عليه
تفتكروا يا جماعة الناس اللى بنتعرف عليهم فى الميل
ناس وهمية و لا عادى هما هما الناس اللى بنعاملهم فى حياتنا
تفتكرو كلام الميل كلام كيبورد من و را شاشة و ماحدش شايف حد
و لا ربنا شايفنا كلنا و الناس مقدرة ده
هل فعلا النت تنطبق عليه مقولة "دنيا الاقنعة"
الحاجة التالتة فى النت
المدونة
متهيالى المدونة الى حد كبير شبيهة بالمنتدى
بنطرح فيها افكارنا و بناقش بعض و بنستفيد من بعض
******************

و انا بكتب الموضوع اكتشفت ان انا حاطة كلمة مناقشة كتيييييير
بس هقولكم السبب
انا بحب المناقشة جدا فى كل حاجة فى الحياة يمكن عشان اتاكد ان اللى بعمله صح و يمكن عشان اوصل للحقيقة
مش عارفة
و للاسف
غالبا مش بلاقى اللى يناقشنى بعقلانية فى الحقيقة - فى حياتى بره النت يعنى-
عشان كده بحب النت
بس تفتكرو ده غلط؟؟؟؟
**************************
نرجع بقى لعنوان الموضوع
تفتكرو النت واقع و لا خيال و لا بينهم هما الاتنين؟؟؟؟؟

الأربعاء، 8 أبريل، 2009

خطوط حمراااااا



السلام عليكم و رحمة الله


اول خط احمر

هل السياسة فيها مشاعر و لا لأ؟؟؟


دايما اسمع كلمة : السياسة مافيهاش مشاعر

فى حصار غزة

لما نقول مش عايزين معاملة لا سياسية و لا اقتصادية و لا اى نوع معاملة بيننا و بين اليهود

يقولولنا السياسة مافيهاش مشاعر

مصير البلد مافيهوش مشاعر

لازم نخلى عقلنا يحكم مش مشاعرنا

و الشعب يتكلم بس الحكومات تنفذ اللى هيا شايفاه صح


و كان اخر موقف سمعته من مواقف السياسة التى لا تراعى المشاعر

انهم ناويين يحولو غرفة نوم الرئيس صدام حسين لغرفة نوم لشهر العسل لمن يدفع الثمن


و طبعا ده فى مصلحة البلد

هيوفر دخل كويس

و هيعمل سياحة

و طبعا كرامة شعب كامل .. لا مكانة لها .. لان السياسة مافيهاش مشاعر

بغض النظر عن صدام و عن اللى حصل ليه فى اخر فترة و مدى اهانة الشعب العربى كله مش العراقى بس

ازاااااااااى الحكومة العراقية توافق ع ده

او حتى الحكومات العربية

ازاى يعنى الاهانة دى تحصل و يكون الرد

اصل السياسة و مصلحة البلد مافيهاش مشاعر

انهى مشاعر؟؟؟؟؟؟؟؟
مشاعر شعب كامل مالهاش مكان فى سياسته

امال ازاى بلده

و ازاى الحكومة بتمثله

هو مش لازم برده يكون فى توفيق بين عقل الحكومة و عاطفة الشعب و لا اييييييييييييه؟؟؟؟؟؟؟؟


الخط التانى..اتمنى قصدى يتفهم صح بالله عليكم


مسلم و مسيحى


مبدايا

انا لا اهدف الى اى فتنة طائفية فى بلدى

بس انا بجد من فترة و نفسى اتناقش فى الموضوع ده

هل علاقة المسلم بالمسيحى علاقة ضعف؟و لا علاقة حرص؟و لا علاقة خوف؟و لا علاقة تعاون؟و لا علاقة مسايرة؟و لا علاقة مصلحة ؟و لا خوف على البلد ؟و لا حسن تعايش -زى ماديننا وصانا-؟..صراحة مش بحب اوصفها بالاخوة بس هستنى رايكم انتو فى الوصف اللى هتختاروه.......

احنا فى مصر كل حاجة تحصل بين المسلم و المسيحى

بنخاف اوى منها

دايما نقول الغرب عايز يعمل فتنة طائفية

كتيييير يقولو المسيحيين اخواننا و المسيحيين يقولو المسلمين اخواننا

بامانة و بمنتهى الصراحة

انتو حاسين بده

صراحة انا مش حاسة كده مش عارفة ليه

يعنى من وجهة نظرى او اللى انا مطبقاه فى حياتى

فقط حسن تعايش زى ما دينى وصانى

يعنى مابقولش على المسيحى اخويا

المسلم هو اللى اخويا

انما المسيحى لا

مش تفرقة

بس ده مسلم دينى و دينه واحد

رابظة اقوى من الدم بيننا

المسيحى ليه عليا حسن المعاملة

مش مطالبة باكتر من كده

انا مش هكتب كتير فى الجزئية دى بس اتمنى اللى عايزة اقوله يكون وصل

و بكرر

اولا

اى راى ده رايى الشخصى مش راى الدين

ثانيا

ماقصدش ابداااااااااا اى تفرقة عشان لو الكلام اتشاف غلط مش مسئولة













الجمعة، 3 أبريل، 2009

ألم و أمل.....لماذا؟؟؟


السلام عليكم و رحمة الله
اول موضوع ليا فى المدونة حاباه يكون سبب الاسم
ليه "ألم و أمل"
الالم فى حياتنا كتيير اوى
فى حال الشباب الم
بس الامل انهم يفوقو و ينصرو دينهم
صدمة فى حياتنا ألم
بس الأمل اننا نتعلم منها و بجد الخير لسة جاى (ربنا ما بيعملش حاجة وحشة ابداااااا)
فراق ناس بنحبهم ألم
بس الأمل فى ناس لسة هنعرفهم
و كمان جميل اوى ان الفراق ده يتم بس و احنا محترمين بعض
حال اخواننا فى فلسطين ألم كبييييير
بس الأمل فينا و فى رجوعنا للدين و فى فهمنا للواقع صح
حال مصر ألم
الأمل - و الله موجود-فى كل شخص فينا
فى كل شاب و كل بنت
فى كل طالب و طالبة
بلاش نستقل نفسنا و الله احنا كويسين جداااا بس نحدد هدفنا
و فى النهاية
تصادم السحاب بيبقى ألم
و الأمل فى المطر اللى بينزل نتيجة ده
الاااااام و اماااااااال فى حياتنا كتيييير محتاجة التحدى
لازم نتحدى الامنا عشان نحقق املنا
لازم فى كل الم ندور ع الامل
عارفة اننا مش بنبقى بنفكر فى اى حاجة الا الوجع اللى فينا
بس مش لازم نسيب نفسنا لده
بجد ده مش كلام
و الله كل كلمة لنفسى اولا