مغلق للأولوية ..

السلام عليكم و رحمة الله

كالعادة ..

آن الأوااااااااااااااااااان .. و أطلقت علوم صرختها فى طلابها أن اجيبو النداء و (احترمو نفسكو بقى) و ذاكروووو

و بما انى طالبة فى كليتى الجميلة

و كمان طالبة مطيعة

(و لأن الشئ الجيد ليس كذلك إذا ما جعلنا نقصر فى الأجود)

بلبى النداء

و بعتذر لحضراتكم جداااااااااااااااااااااا عن متابعة المدونة و مدونات حضراتكم-مع انى شايفة مواضيع جميلة هحاول اقرأها باذن الله-

رجااااء

لا تنسونى من صالح دعائكم ..

ربنا يوفق كل طلبة المسلمين يااااااااااااااارب و يجعلنا أسباب لنصرة أمتنا

(..الله المستعااااااااااااااااااااان..)

حالتك ايه؟؟

السلام عليكم و رحمة الله



من المعروف ان حالات المادة 3 صلبة و سائلة و غازية (البلازما حاليا تُصنف انها حالة رابعة .. بس ما علينا)



لو حضرتك حركت الهواء -غاز- بايدك .. حركو الهوا بجد -معلش خدونى ع اد عقلى-

لاحظتو ايه؟؟

حسيتو بهوا صح؟ .. الهوا اتحرك بحركة ايدكو حتى لو بسيطة .. تمام؟



طيب لو ضربتو ايدكو فى البحر .. هتحسو بحركة .. بس اقل و انتو هتحسو بمقاومة و لو بسيطة .. صح؟؟؟



طيب اضربو كرسى كده .. احتمال يتحرك .. و احتمال لأ .. هنا بقى حسب شدة الضربة

و حتى لو اتحرك هيتحرك زى ماهو .. مش هيتحرك و يسيب الباقى منه .. مش هيتغير بحركته

لأ

هيتحرك بكل مكون فيه

بكل قيمه و مبادئه



يعنى ايه؟؟؟

هو الفرق بين الغاز و السائل و الصلب ايه؟؟؟

العشوائية صح؟

يعنى ايه؟

يعنى العشوائية فى حركة الغاز اكتر منها فى حالة السائل اكتر منها فى حالة الصلب



و ده اللى سبب سهولة تاثره باى مؤثر حتى لو بسيط .. تمام؟

يعنى ايه برده ؟ او ايه علاقته بينا احنا؟



احنا كلنا بلا استثناء بنتعرض لمواقف صعبة أو أزمات فى حياتنا .. رد فعلنا تجاهها بيختلف

و تأثرنا بيها بيختلف

ده بيرجع لايه بقى .. لعشوائيتنا-بجد عن تجربة شخصية و تجربة معملية-
يعنى انا لما اكون حد محدد هدفه اوى و عارف عاوز اوصل لايه و عارف اوصله ازاى و بعمل خطوات فعلا
اى مشكلة هتواجهنى هشوف انا فين هعمل ايه هعوض اللى حصل ازاى .. و هكذااااااا
حتى لو وقفنا مش هنقف بس هتبقى وقفة مراجعة .. هتبقى كل صدمة فى حياتك بتفكرك بهدفك الاساسى
هدفنا يا جماعة و رغبتنا اننا نوصله
هدف نحرق نفسنا عشان نوصله
هدف نقول فيه "ياااارب إن تركتنى فإن الأمة ستُغلب"
هدف "و ما خلقت الجن و الإنس إلا ليعبدون"
هدف يكون ثغرك اللى بتدافع عنه فى سبيل نصرة أمتك
هدف .. و رغبة بجد فيه .. و يقين حقيقى فى تحقيقه -باذن الله-

الرغبة فى النجاح هى أن تعشق حلمك .. أن تحارب من أجله
أن تسهر من أجله .. أن تقاوم كل شئ من أجله
أن يكون الحلم دائما أمام عينيك .. أن يكون المهمة رقم 1 فى قائمتك
هنا فقط أنت ترغب .. و هنا فقط يمكنك الفوز

ابتسم ..

السلام عليكم و رحمة الله

يارب تكونوا بخير .. و الحياة سعيدة معاكو

ايه رأيكم فى الرضا ؟؟

الرضا بالمشاكل او وضع معين مضايقك او شخص معين مزعلك او

قضاء ربنا ..

كتير اوى بنتحط فى مواقف مش عاجبانا وبيبقى جوانا حاجة بتتردد حتى لو ماقلنهاش باللسان

هو ليه حصل كده؟؟ يارب انا مش معترض بس نفسى اعرف؟!

نسمع جملة "لو اطلعتم على الغيب لاخترتم الواقع "

احنا مقتنعين اكيد بيها و بتريحنا كتير .. بس بعدها بشوية "يارب انا عارف ان ده الخير , بس مش قادر تعبان و زعلان و متضايق و حاسس ان كل حاجة و كل حد ضدى "

اوقات كتير بنتجرح من ناس عزيزة علينا اوى

بنعيش قسوة الجرح و صدمة انه من الناس دى .. و برده مش عارفين هو ليه بيحصل كده ؟ هى ليه الدنيا وحشة كده؟؟

هو ليه الناس بتقسى ع بعض او بتعامل بعض بقسوة اوى كده؟

هو الانسان هيخسر ايه لو عاش كانسان مش حاجة تانية تهدم كل حاجة حلوة حواليها؟؟

اوقات كتيييير اوى بنتعب من الدنيا .. بنبقى خلاص

اتخنقنا .. و مش عارفين هو احنا اللى صح و لا احنا غلط

نقول ع نفسنا احنا طيبين و نلاقى نفس الحد اللى جرحنا و عمل فينا كل حاجة وحشة يقول ع نفسه طيب و ملاك و احنا اللى مش كويسين

طيب لو احنا مش كويسين ليه بنتجرح مابنجرحش ؟!!

غريبة اوى الدنيا دى !!

:::::::::::::::::::::

لما بنتحط فى مشكلة بتضيق الدنيا اوى فى عيننا و –غالبا- بننسى حاجات كتييييييييييييييييير اوى اوى كويسة فى حياتنا و نعم كتييييير اوى ربنا انعم بيها علينا

عارفين..

من فترة كده اتحطيت فى موقف ضايقنى ..

و فى مرة كنت بفكر فى الموضوع و عاوزة اعرف هو ايه اللى حصل و ليه حصل بالاسلوب ده فحسيت انى متضايقة

عارفين عملت ايه؟؟

رحت صليت ركعتين شكر انى اتحطيت فى الموقف ده و دعيت ربنا قلتله يارب انا عارفة ان ده الخير ليا بس نورلى بصيرتى يارب عشان اتعلم من الموقف ده

و الله يا جماعة حسيت بعدها بقوة و راحة نفسية لا تتخيلوها

حسيت ان الموقف كله حصل عشان اصلى الركعتين دول

يااااااااااااااااااااه ..

الله ع نعمة الاسلام و نعمة سجودنا للعزيز الرحمن

لما تحس انك مخنوق اوى من مشكلة .. و تسجد لمدبر الكون بأكمله و تقوله يااااارب انا اضعف من المشكلة دى و انت القوى العزيز .. اعنى ياااااااااارب

::::::::::::::::::

لما تتحط فى مشكلة ..

انا مش هقولك ماتحبسش نفسك فيها او انت اللى بايدك تحدد مدى تاثيرها عليك

بس افتكر كويس اوى"إن الله لا يكلف نفسا إلا وسعها" لو انت مش ادها و الله ربنا ما هيحط فيها

بس كونك فيها فأنت ادها و قادر انك تخرج منها و اقوى من الاول

::::::::::::::::::::

لما تتحط فى مشكلة .. شوف اللى حواليك

بجد .. هتحمد ربنا ع اللى انت فيه

"الأعمى يتمنى أن يشاهد العالم ...... والأصم يتمنى سماع الأصوات .. والمقعد يتمنى المشى خطوات .. والأبكم يتمنى ان يقول كلمات ..........و أنت تشاهد وتسمع وتتكلم.... فقل الحمد لله على كل شيء...الحمد لله"

,,,,,,,,,,,,,

شوف اخواننا فى فلسطين .. شعب كامل غير آمن .. طفل بيتقتل والده ادام عينه .. و اسرة فى بيتها مش عارفة تحس بأمان لانها معرضة ان البيت يتفجر فى اى وقت .. بنت سنها زينا -أو اصغر مننا- كل همها تنصر دينها ومش عارفة لا علم عارفة تتعلم و جواها صوتين ضد بعض

واحد انها تعمل عملية استشهادية و تبقى كده عملت حاجة لوطنها

و صوت تانى بيقول لا انتى ماتموتيش هما اللى احتلونا هما اللى يموتوا .. انصرى بلدك بس و انتى عايشة ..

هتعمل ايه؟؟

,,,,,,,,,,

شوفو برده زمايلنا اللى فى سننا ايه اللى بيحصلهم

(و انا فى التيرم الاول فى علوم .. امتحنا ميد تيرم و ماعجبتنيش الدرجة ,, اتضايقت اوى و كنت حاساها مشكلة بالنسبة لى .. بعدها بيومين بالضبط واحدة زميلتى ربنا توفاها .. حياتها انتهت .. ياترى انتهت ع ايه "الله اعلم" .. ياترى انا لو كنت مكانها كانت حالتى هتبقى ايه –ربنا يحسن خواتيمنا يارب- .. بس ساعتها عرفت اد ايه ان الدنيا ماتستاهلش)

,,,,,,,,,,,

شوفو المرضى

شوفو ناس كتير اوى محرومة من نعم كتييييير .. و النعم دى معاك انت

و برده متضايق

عارفين .. تخيل لو انك مش مسلم

يااااااااااه تخيل كده تسجد لغير الله

ربنا اختارك انت للاسلام زى ما اختار الاسلام ليك

اختار لك انك لما تكون متضايق تسجدله و تقوله

يااااااااااااااااااااااااااااااااااااااااارب ماليش غيرك يارب

دى مش نعمة تضيع كل المشاكل ؟!!

,,,,,,,,,

عارفين لما تكونو فى مشكلة استعيدو شريط حياتكو بسرعة

كام مشكلة ربنا حلها

و كام مرض ربنا شفاك منه

و كام هم ربنا فرجه عنك

و كام حاجة مش كويسة ربنا نجاك منها

و كام مرة اعتبرت حياتك وقفت و اكتشفت انها كانت البداية المشرقة ..

و كام انسان مش كويس ربنا حماك منه

و كام و كام و كام ..

هتعدى .. و الله هتعدى زى ما اللى اسوأ منها عدى .. بس انت ابتسم و قل الحمد لله

"قـل لمـن يـحـمـل هـمـًا أن هـمـه لـن يـدوم .. فـمـثـلـما تـفـنـى الـسـعـاده هـكـذا تـفـنـى الـهـمـوم"

ابتسم .. لأن ابتسامتك سبب فى ابتسامة ناس كتير اوى بتحبك ممكن انت مش حاسس بيهم

كل حد بتقابله عنده مشاكل كتييير .. خففها انت بابتسامتك

ابتسم .. و اقهر احزانك

ابتسم لانك عبدالله

"عجبا لأمر المؤمن إن أمره كله خير ، وليس ذاك لأحد إلا للمؤمن ؛ إن أصابته سرّاء شكر ؛ فكان خيراً له ، وإن أصابته ضرّاء صبر ؛ فكان خيراً له ."

,,,,,,,,,,,,,

دع الهموم والاحزان تبكى من جبروت ابتسامتك وكبرياء املك

عيد سعيد ..

السلام عليكم و رحمة الله

الله اكبر الله اكبر الله اكبر لا اله الا الله
الله اكبر الله اكبر ولله الحمد
الله اكبر كبيرا والحمد لله كثيرا وسبحان الله بكرة واصيلا ولا اله الا الله وحده
صدق وعده ونصر عبده وعز جنده وهزم الاحزاب وحده لا اله الا الله
ولا نعبد الا اياه مخلصين له الدين ولو كره الكافرون
اللهم صلي على سيدنا محمد
وعلى آل سيدنا محمد
وعلى اصحاب سيدنا محمد
وعلى ازواج سيدنا محمد
وعلى انصار سيدنا محمد
وعلى ابناء سيدنا محمد
وعلى ذرية سيدنا محمد وسلم تسليما كثيرا

::::::::::::::::::::::::

كل سنة و حضراتكم طيبين و فى سعادة و نجاح دايما يارب

ربنا يجعل ايامنا كلنا فرح و خييييييير و امل

و يجعلنا أمل لكل حد حوالينا و لأمتنا و بلدنا يااااااااااارب

الأرض يا أحبابي مش حبة تراب

الأرض يا أحبابي مش حبة تراب

ولا نبع مية توصله يطلع سراب

ولا جسم جدي إللي إندفن من ميت سنة

ولا ذكرى مرة ومحزنه ولا حلم طاير مننا

فوق السحاب

الأرض إحساس بالأمان

إحساس بأنك فْ الحياة إنسان

ولك في الكون مكان

يمكن يكون موضع قدم

يمكن يكون بيت إتهدم

يمكن يكون فــدان

بس المهم إللي يدور يلقى ليك عنوان

وعشان كده لو حتى هندوق العذاب الوان

الأرض تستاهل كتير

تستاهل المر إللي دقناه كلنا

تستاهل الكرابيج تقطـع دهـرنا

ياللي ناويت الغنا غني بصوت عالي

صوتك فْ قلبي أنا زي الضنا غالي

غني عشان أرضنا والمر يحــلا لي

دعيت زمان ربنا وفيوم كتبهـالي

وبقالي موضع أدم وبقالي بيت ومكان

وكمان بقالي وطن ف زمان مالوش أوطان

وبقالي ورقة وقلم وبقالي صوت وأدان

ياللي ناويت السهر والسهرة صباحي

طول مالقلم صاحي بيلون الأحـلام

ويشدني لقدام ويداوي ف جراحـي

وأزرع تقاوي الأمل يطرح لي أفراحي

أنا إللي لجل الوطن هزمت أشـباحي

رفرفت بجناحي من غير ما طير وأحوم

علشان ما سبش الأرض

وحلفت أصون العرض

وحلفت أرويها بالحب وبدمي

يمكن أخليها يوم ما أندفن فيها

عليّ ألاقيهـا أحـن مـن أمي

لـــ أسامة عبد الصبور
شاعر مصرى

غفرااانك ربى

استغفر الله العظيم من كل ذنب أذنبته

· استغفر الله العظيم من كل فرض تركـــــتــه

· استغفر الله العظيم من كل إنسان ظلـمـتــــه

· استغفر الله العظيم من كل صالح جـفــوتــــه

· استغفر الله العظيم من كل ظالم صاحـــبتــه

· استغفر الله العظيم من كل بـــر أجـــــلتـــــه

· استغفر الله العظيم من كل ناصح أهنــتـــــه

· استغفر الله العظيم من كل محمود سئـمــتـــه

· استغفر الله العظيم من كل زور نطقت بــــه

· استغفر الله العظيم من كل حق أضــعــتـــــه

· استغفر الله العظيم من كل باطل اتبعته

· استغفر الله العظيم من كل وقت أهــــدرتــــه

· استغفر الله العظيم من كل ضمير قـــتلــــته

· استغفر الله العظيم من كل سر أفشـــيـــــتـــه

· استغفر الله العظيم من كل أمين خدعــتـــــه

· استغفر الله العظيم من كل وعد أخلــفـــــتـــه

· استغفر الله العظيم من كل عهد خــــــنتــــه

· استغفر الله العظيم من كل امرئ خذلــــــتـــه

· استغفر الله العظيم من كل صواب كتمــــته

· استغفر الله العظيم من كل خطأ تفوهــت بـــه

· استغفر الله العظيم من كل عرض هتكتــــه

· استغفر الله العظيم من كل ستر فضــــحـــتــه

· استغفر الله العظيم من كل لغو سمعــــتــــه

· استغفر الله العظيم من كل حرام نظرت إليـــه

· استغفر الله العظيم من كل كلام لهوت بـــه

· استغفر الله العظيم من كل إثــم فـعـــــلتــــــــه

· استغفر الله العظيم من كل نصح خالفتـــــه

· استغفر الله العظيم من كل علم نـســيــتـــــــــه

· استغفر الله العظيم من كل شك أطعـــــتـــه

· استغفر الله العظيم من كل ظن لازمــــتــــــــه

· استغفر الله العظيم من كل ضلال عرفتـــه

· استغفر الله العظيم من كل ديــن أهمــلــتـــــــه

· استغفر الله العظيم من كل ذنب تبت لك به

· استغفر الله العظيم من كل ما وعــدتـــك بـــــه ثم عدت فيه من نفسي ولم أوفى به

· استغفر الله العظيم من كل عمل أردت به وجهك فخالطني به غيرك

· استغفر الله العظيم من كل نعمة أنعمت على بها فاستعنت بها على معصيتك

· استغفر الله العظيم من كل ذنب أذنبته في ضياء النهار أو سواد الليل في ملأ أو خلا أو سراً أو علانية

· استغفر الله العظيم من كل مال اكتسبته بغير حق

· استغفر الله العظيم من كل علم سُـئـلـت عنه فكتمته

· استغفر الله العظيم من كل قول لم أعمل به و خالفته

· استغفر الله العظيم من كل فرض خالفته ومن كل بدعه اتبعتها

حدوتة كيميائية !!

السلام عليكم و رحمة الله

كتير اوى بتحصل بيننا و بين الاخر مشاكل و خلافات

و كتير اوى نتجنب ناس او نحكم عليهم انهم مش كويسين لمجرد انهم مختلفين عننا

انا مش هقول الاختلاف بيننا طبيعى

او اننا مش هنستحمل ان الناس كلها تكون بنفس طباعنا اللى مايعلم بيها الا ربنا -بس احنا مش حاسين-

و برده مش هنستحمل ان الناس كلها تكون بنفس مميزاتنا الجميلة لاننا مش هنحس اننا مميزين و لا انها صفات مميزة لينا عن الاخر

لالالالا

هحكيلكوعن حدوتين فى الكيميا

واحدة اسمها nucleophile =محب للنواة او الشحنة الموجبة

و electrophile =محب للالكترونات او الشحنة السالبة

محب الشحنة الموجبة تتوقعو بيحمل شحنة ايه؟؟؟؟؟

لالا مش موجبة .. بيحمل شحنة سالبة او متعادلة !

و محب الشحنة السالبة ؟؟

بالضبط .. بيحمل شحنة موجبة او متعادلة

يعنى ايييييييييييه؟؟

يعنى الذرة او المجموعة الذرية -اللى هى مالهاش عقل - بتدور و بتحب الحاجة المختلفة عنها

مش عشان يتخانقو سوا

لالا دول مش زي اغلب بنى الانسان فاضيين و بيدورو ع المشاكل

هما بيدور ع بعض لحاجتين

اولا

يتكاملو مع بعض فيكونو مركب افضل من وجودهم منفردين

ثانيا

بيدورو ع ثباتية كل واحد فيهم .. لانهم عارفين كويس اوى ان انا لما اتكامل مع غيرى زى ماهفيده هستفيد منه حتى لو ماعترفتش بده

حتى لو ماستفدتش بشئ مادى .. هلمس الاستفادة دى فى قلبى

فى نقاء نفسى و سموها

غير نظرتك للاختلاف و للاشخاص اللى انت مختلف مع رأيهم

اختلف مع الرأى مش مع الانسان

تجنب الفعل و ما تتجنبش الانسان

و اعرف كويس اوى

انك ترى الواقع كما تريد أن تراه .. ليس كما هو بالفعل !!

تيجو نبطل كلام؟؟

السلام عليكم و رحمة الله

حصل معايا موقف فى رمضان .. كنت بسمع اناشيد عن فلسطين و كده و بالادق "هزتنى نسمات الليالى"

فماما بتحكى لواحدة قريبتى عن الماساة اللى اسمها شموخ-و ربنا يعينهم عليا-

-مشكلة ! .. اناشيد تقطع القلب .. و مواقف و مناظر و نكد

- يااااااه لا انا ماستحملش كده .. انا لو شفت الحاجات دى بعيط و مابعرفش انام خالص!!

استوقفتنى بقى الجملة بتاعة قريبتى دى

اصلها مش جملتها لوحدها .. ده لسان حال اغلبنا

انا قلبى مابيستحملش اللى بيحصل فى فلسطين !! ياحرام ربنا معاهم

و شوية ماهما اللى باعوها !!!!!!!

مش عارفة

انا كان نفسى اسالها انتى ليه فاكرة نفسك بتعيطى لفلسطين

لا

انتى بتعيطى لمنظر قاسى شفتيه

زى مابتعيطى ع فيلم رومانسى

زى ما بتعيطى ع اغنية هايفة

زى و زى و زى

زى حاجات كتير بنعيط عليها

بس عمره ماهيكون عياط ع شعب بيتقتل

ع اخواتنا اللى بيتقتلو

و اطفالنا اللى بيتدبحو

لالا

استحالة نعيط ع حالهم و تطلع مننا التصرفات اللى بنعملها و كم الهيافة اللى بقى بيجرى فى دم معظم الشباب -و فى نسبة كبيييييرة الحمد لله لسة بخير-

و الله يا جماعة كنت فى يوم قاعدة مع ماما و اختى الكبيرة

انا قلت لماما موقف واحد

ماما .. انتى متخيلة بنتك العروسة الجميلة اللى انتى مستنية فرحها و يوم فرحها و انتى واقفة جنبها و فرحانة تموت ادام عينك برصاصة غدر و انتى مش عارفة تعملى ايه

و انتى شايفة اخواتك المسلمين ياعينى بيعيطو

احساسك هيكون ايه

بنتك ماتت ادام عينك و هى لابسة فستانها الابيض

لا تتخيلو رد فعل ماما يومها

هى اه بتتاثر باللى بيحصل فى فلسطين و بتعيط ع اللى بيحصل هناك و بتدعى ربنا و ده كله شئ جميل و الحمد لله ان فى مشاركة مننا بكده

بس لما حست ان الموضوع حصلها

لا

كان تاثير تانى خاااااااااااااالص

انا مش عارفة هو احنا فعلا لما بنتكلم ع فلسطين حاسين احساس ناس فى بلدهم مهددين بكل حاجة و ابشع حاجة

بحاول أتخيل احساس الطفل اللى والده بيموت ادام عينه او العكس

او الانسان اللى ممنوع انه يحلم لان وطنه محتل

مابقدرش !!

هو احنا ليه متخيلين اننا ناس نقية اوى و حاسين باللى بيحصل فى فلسطين و كل اللى مانعنا حكامنا

فوقو يا جماعة بلاش نضحك ع نفسنا

تعالو نجهز نفسنا لليوم اللى هنحارب فيه

الله يكرمكم

احنا لينا دورنا

دورنا تجاه فلسطين مش دعاء و بس

ولا دمعة و خلاص

لو مش هتحارب جهز نفسك تكون اب للى يحارب

للطفل اللى هيتربى عزيز و عارف يعنى ايه اسلام و كرامة امة و نصرة دين و استرداد وطن

احنا مش مستعدين نحارب -طبعا الا من رحم ربى-

انا هقولكم ع موقف يمكن يوضح قصدى اكتر

اخويا الصغير فى تانية ابتدائى فى رمضان السنة دى

جالى

-أبلة شموخ.. عطشااااااااااااااااااااااااان مش قادر

تعباااااااااااااان عاوز اشرب

-احمد حبيبى مش انت صايم لربنا

-اه

- طيب استحمل يا حبيبى معلش عشان ربنا يحبك و تدخل الجنة

- بس انا مش قادر و عطشااااااااااااان اوى و تعبان

-احمد .. انت هتعمل ايه لو وقفت ادام الاسرائيليين

-هقطعهم .. هقتلهم

-طيب لو كنت عطشان هتسيبهم و تروح تشرب و لا هتقتلهم ؟؟

- لا هستحمل و اقتلهم كلهم كلهم و مش هشرب خالص لحد ماقتلهم كلهم

-طيب يا حبيبى ربنا بيدربنا ع حرب اسرئيل بالصيام .. عشان انت لو ماقدرتش تستحمل دلوقتى مش هتقدر تستحمل و انت بتحارب اسرائيل .. صح؟؟

-ااااااااه صح .. انا مش عاوز اشرب

انا عاوزة اقولكم ان اخويا يومها و الله كمل صيام و مانامش طول النهار

لسبب واحد

انه حط فى دماغه انه بيجهز لحرب اسرائيل ..

الرسالة وصلت؟؟؟

ع فكرة يا جماعة كلامى -اقسم بالله- موجه ليا قبل اى حد

بس اللى انا عاوزة اقوله

اننا امة مختلفة عن اى امة تانية

احنا امة مسلمة

و مش هننتصر الا بقوانين نصر الله لأمة الاسلام

"نحن قوم أعزنا الله بالاسلام فإن ابتغينا العزة بغيره اذلنا الله"

هتعملو ايه؟؟

كل واحد عارف هو قادر يعمل ايه

د\عبد الكريم بكار ليه مقولة جميلة اوى

"لا يمكن أن يكون هناك مجتمع أقوى من مجموع أفراده؛ولذا فالنهوض بالذات هو مساهمة مقدَّرة في نهوض الأمة"

كده الموضوع واضح جدا

بتتاثر باللى بيحصل فى فلسطين اعمل حاجة

اى حاجة لنصرة امتك

انما لو على الكلام

كلنا قادرين نتكلم ليل و نهار

و نسمع اناشيد عن فلسطين

و نعيط

بس مش كلنا بنعمل

و ده سبب ازمتنا

و اخيراااااااااااا

يا أمتى أين الهمم

أين التسابق للقمم

قد أحرقتنى لظى الحمم

ما عاد يطربنى الغناء

ولا الكلام عن القدم

أقسمت أن يا أمتى

أن تعتلى عرش الأمم