السلام عليكم و رحمة الله
لكل فعل رد فعل .. و لكن!!
كثيرا ما ندرس مناهج فى مراحل ما قبل الجامعة .. و بمجرد دخولنا الجامعة نكتشف و فجأة ان ما درسناه .. فقط .. كان مرحلة تعليمية و ليست مرحلة علمية
تعليمية .. قد تكون بها أخطاء و قد تكون صحيحة .. و قد تكون هامشية و قد تكون أساسية.
قانون درسناه تم اثبات صحته .. لا للقوانين العلمية فقط .. انما أيضا للحياة بكل جوانبها ..
"لكل فعل رد فعل مساو له فى المقدار و مضاد له فى الاتجاه"
رأيت فى طلبة الجامعة (سوء أدب) مع أعضاء هيئة التدريس .. رأيت فيهم تجاهلا لقواعد الأخلاق و الذوق الرفيع .. بالطبع ليس الجميع .. هى فقط مجرد نسبة
و وجدت رد الفعل من أعضاء هيئة التدريس .. و أيضا ليس الجميع لكنها فقط نسبة كان رد الفعل جملة اسمعها كثيرا (دكتور الجامعة يعمل اللى هو عاوزه و افضلك بلاش تسالى ليه و ازاى!!)
رد فعل طبيعى ممن يفهمون العلم كثيرا و بديهى جدا تطبيقهم لقانون علمى بسيط اساسى كهذا ..
2 ضع بصمتك ..:
الحمد لله الذي نجانا من مرحلة الجامعة دي على خير ,
بس وجهة نظري من ناحية احترام الدكاترة هي ممكن تكون رد فعل لمعاملة الدكاترة الدكتاتورية أحيانا ,
و السبب التاني هو عدم شعورهم بالاستفادة من الحاجات اللي بيدرسوها , فيحسوا إنهم بينفخوا في قربة مقطوعة زي ما بيقولوا ,
إنما لو معاملة الدكاترة كويسة , و بنحس إنهم بيدونا حاجات مفيدة , أكيد هيبقى فيها احترام ,
و الحمد لله عندنا في الكلية كانت معاملة الدكاترة جيدة جدا - معظمهم - و بالنسبة للمادة العلمية الحمد لله كانت مفيدة لأن دراستنا تطبيقية ,
ربنا يكون في عون الطلبة , و يعديها لهم على خير
اكيد رأى حضرتك صح جدا
بس متهيالى بالاضافة ان فى ناس فاكرة ان ده حاجة كويسة او انهم كبروا خلاص و مش بيفرق معاهم !!
اوقات عشان الدكتور مابيزعأش .. بجد الناس بتبقى اى حاجة تانية غير انهم طلبة بيتعلمو
جزاك الله خيرا ع التعليق..
إرسال تعليق