السلام عليكم و رحمة الله
كل سنة و حضراتكم بخير و فى سعادة و طاعة ربنا دايما يارب
انا كمان دقيقتين بالضبط هيبقى عندى 19 سنة .. و ده طبعا شئ مش عادى
من بدرى اوووووووى و انا نفسى يبقى عندى 19 سنة .. مش عارفة ليه
متفائلة اوى و حاسة ان هيحصلى حاجات كتير جميلة
الحمد لله السنة اللى عدت كانت من اجمل سنين حياتى ده لو مش اجملها
ادعولى السنة دى كمان تكون اجمل .. يااااااااارب لينا كلنا و للأمة الاسلامية كلها و لفلسطين و أقصانا -خاصة-
طيب انا عاملة الموضوع ليه؟؟
اكيد مش عشان تقولولى كل سنة و انتى طيبة .. وما تقلقوش برده ولا هطلب هدية و لا عيدية العيد
بس عشان تدعولى السنة دى ربنا يرضى عنى و يرزقنى بخطوات كبييييييييييرة لاهدافى
و مساعدة كمان معلش..
دلوقتى لو انا عاوزة اوصل رسالة معينة للغرب
فكرت اعمل بيج ع الفيس و لله الحمد واحدة صاحبتى قالتلى هتتقفل .. بس هعملها برده باذن الله
قلت حل كمان اعمل مدونة .. بس السؤال المدونة هتوصل للغرب ازاى؟؟
حل تالت .. اعمل جروب ع الياهو .. بس نفس المشكلة بتاعة المدونة .. بجانب انى اساسا ماتعاملتش كادمن مع جروب
ياهو قبل كده(بس ده مقدور عليه باذن الله)؟؟
الحل الرابع و الخامس و ...
هتقولهولى مش كده؟؟
بالله عليكم يا جماعة اللى عنده اى فكرة يقولهالى انا عاوزة اعمل اى خطوة فى العشرة الاواخر ..
و اخيرا .. ربنا يعيننا كلنا يارب ع الطاعة
و ربنا يتقبل يااااااااااااارب
10 ضع بصمتك ..:
دايما نتكلم عن حقوقنا العربيه المهدره وقضيه فلسطين التي تقوم اسرائيل الان بتصفيتها ,كل كلامنا هذا باللغه العربيه بمعني كلام فيما بيننا ,اما الغرب فمواطنيهم تسيطر عليهم الاله الاعلاميه الصهيونيه لانها تخاطبهم بلغتهم وتروج لافكارها المغلوطه ايضا بلغة الغرب ....من ثم بعتقد ان اهم شئ في نصرة قضايانا هي اللغه الانجليزيه فبها نستطيع ان نوضح مفاهيم وافكار كثيره ملتبسه لديهم.
وللاسف كلنا مقصرين في هذا
___________
مدونه راقيه ,,,بارك الله فيكي
معلهش ..نسيت اقولك كل سنه وانتي طيبه
ببساطة يمكنك عمل موقع شخصي على استضافة عربية مجانية , و ان شاء الله موقعك يصل الى جميع العالم , ولكن اهم شئ " النية " , اخلصي النية وان شاء الله ربنا يوفقك , واي مساعدة , ان شاء الله لو في ايدي مش هتأخر !
EslaMx7@Yahoo.Com
اسف على كتابة البريد , ولكن انا كتبتة بغرض المساعدة فقط لا اكثر ولا اقل !!!
rack-yourminds
بالضبط ده اللى فى دماغى باذن الله
و فيكم بارك يارب ..
جزاك الله خيرا
و حضرتك طيب ..
Eslam
ياااااارب ربنا يرزقنا الاخلاص يارب
بالنسبة للموقع مش هينفع حاليا لانه هيبقى مسئولية اكبر عليا فمتأجل كام سنة باذن الله
بس فى حالة انى عملت موقع او مايشابهه .. ازاى برده هوصله للغرب؟؟
جزاك الله خيرا
حكاية ان الموقع يوصل للغرب سهلة مش صعبة بس محتاجة سوية افكار وصبر , يعني مثلا نفترض جدلا , ان حضرتك عملتي موقع وليكن في البداية مجاني , وركبتي عليه مدونة ورد بريس مثلا ومنتدى بسيط , واصبح في تفاعل من اعضاء واصحاب وزوار بالتالي الموقع ترتيبة هيعلى في محركات البحث , وفي البداية هنحدد كام موقع غربي ننشر عليه مناقشتنا , او طريقة افضل بكثير , نعمل اكونت على تويتر ونتابع ناس من الغرب ونوصلهم افكارنا , ولو فكرنا كتير هنلاقي طرق كتير جدا , وبالتوفيق ان شاء الله !
سلام عليكم ورحمة الله وبركاته
أولا كل سنه وانت الى الله أقرب ومن جنته أدنى
ثانياً فالفكره أكثر من رائعه يا شموخ
والحقيقه كان ليا صديقه فكرت فى الموضوع ده لكن الوقت سحبنا اننا نقدر ننفذ الفكره لكن مبدئياً .. إيه أخبار اللغه معاكى؟؟
ممكن تعملى موقع او مدونه وانا عن نفسى أفضل المدونه وتكون باللغتين العربيه والإنجليزيه مثلا
وتحددى هدفك من المدونه .. (الهدف المبدئى) يعنى مثلا عن حياة الرسول؟ عن مناقشة القضايا الحاليه.. الخ
ومن ثم تحطيلها إسم مناسب
وتتحرى الدقه فى المواضيع المطروحه والترجمه .. وبالصبر هتوصل .. لأن المسلمين فى الدول الأجنبيه بيحبوا يعرفوا عن الدين وبيعيقهم اللغه
مثلا .. كان فيه من فتره بنتين دخلوا الإسلام فى دوله أوربيه ومش كنا عارفين يوصلوا لمعلومات ازاى
أكيد موقع زى ده لو كان ذو ثقه .. ناس كتير ممكن ترشحه
ونشر المدونه هيكون من خلال التفاعل معاها ومن خلال الفيس بوك والتويتر وغيرها
بس ملحوظه أخيره ممكن تفكرى فيها وانتى بتخططى للفكره ودى من واقع احتكاكى بالاجانب والغرب
الناس دى بتبقى جريئه شويه فى الكلام والاستفسار وفيه منهم ناس ممكن ترد عليكى لمجرد الإساءه والضغط عليكى وده هيحصل كل ما المدونه تنتشر
السؤال اللى لازم تفكرى فيه
هل إنتى مؤهله نفسيا وعلميا ودينيا لتحمل تبعات موقع زى ده؟؟ وهل عندك القدره على النقاش مع ضبط النفس؟
طبعا ده مش تشكيك
دى مساعده فى التفكير .. ولو نشرتى المدونه وتوثقت من معلوماتك اللى بتنشريها .. هكون سعيده انى أوصلها للناس
وأولا وأخيرا متنسيش الإستخاره وإن كنت واثقه انك متذكراها .. ربنا يباركلك
ويارب تعذرينى على الإطاله
تقبلى تحياتى ويارب يجعله فى ميزان حسناتك .. أمين
سلام عليكم ورحمة الله وبركاته
فكره أكثر من رائعه يا شموخ
والحقيقه كان ليا صديقه فكرت فى الموضوع ده لكن الوقت سحبنا اننا نقدر ننفذ الفكره لكن مبدئياً .. إيه أخبار اللغه معاكى؟؟
ممكن تعملى موقع او مدونه وانا عن نفسى أفضل المدونه وتكون باللغتين العربيه والإنجليزيه مثلا
وتحددى هدفك من المدونه .. (الهدف المبدئى) يعنى مثلا عن حياة الرسول؟ عن مناقشة القضايا الحاليه.. الخ
ومن ثم تحطيلها إسم مناسب
وتتحرى الدقه فى المواضيع المطروحه والترجمه .. وبالصبر هتوصل .. لأن المسلمين فى الدول الأجنبيه بيحبوا يعرفوا عن الدين وبيعيقهم اللغه
مثلا .. كان فيه من فتره بنتين دخلوا الإسلام فى دوله أوربيه ومش كنا عارفين يوصلوا لمعلومات ازاى
أكيد موقع زى ده لو كان ذو ثقه .. ناس كتير ممكن ترشحه
ونشر المدونه هيكون من خلال التفاعل معاها ومن خلال الفيس بوك والتويتر وغيرها
بس ملحوظه أخيره ممكن تفكرى فيها وانتى بتخططى للفكره ودى من واقع احتكاكى بالاجانب والغرب
الناس دى بتبقى جريئه شويه فى الكلام والاستفسار وفيه منهم ناس ممكن ترد عليكى لمجرد الإساءه والضغط عليكى وده هيحصل كل ما المدونه تنتشر
السؤال اللى لازم تفكرى فيه
هل إنتى مؤهله نفسيا وعلميا ودينيا لتحمل تبعات موقع زى ده؟؟ وهل عندك القدره على النقاش مع ضبط النفس؟
طبعا ده مش تشكيك
دى مساعده فى التفكير .. ولو نشرتى المدونه وتوثقت من معلوماتك اللى بتنشريها .. هكون سعيده انى أوصلها للناس
وأولا وأخيرا متنسيش الإستخاره وإن كنت واثقه انك متذكراها .. ربنا يباركلك
ويارب تعذرينى على الإطاله
تقبلى تحياتى ويارب يجعله فى ميزان حسناتك .. أمين
ومعلهش التعليق لى مرتين لأنه كان أطول من نشره على مره واحده :)
مها البنا
و انتى طيبة يارب يامها و يارب تكون سنة سعيدة علينا كلنا
بصى يا مها .. انا اخدت بالى انك بتقوليلى اصبر وانا بناقشهم
بصى عشان فكرتى تتضح ليكى اكتر
انا اللى فى دماغى حاليا فكرتين
اولا : توصيل الصورة الصح للى بيحصل فى فلسطين و مين ارهابى و مين مظلوم و ده هيكون بصور و مقاطع فيديو بتوضح ده و اقوال غرب و يهود بالذات عن اللى بيحصل و رايهم .. عشان نوضح للناس مين ارهابى
لو تفتكرى الطفلة اللبنانية -كان اسمها هدى تقريبا- الطفلة اللى اهلها استشهدو ع الشاطئ البنت دى اليهود قالو انها يهودية و شوفو العرب بيعملو ايه .. دى نقطة .. و دى النقاشات فيها مش هتحتاج جانب دينى او علم شرعى يعنى اوى و مع ذلك انا هاجل النقاشات فيها بقدر الامكان لانى عاوزة الاول اعرض حقايق ده فى الفترة الحالية و غالبا البيج دى هتتاجل لحد مااشوف ظروف الدراسة و غالبا اكتر هتبقى فى نص السنة ..
الحاجة التانية بقى
بيج للتعريف بالاسلام و دى انا مش هكتب فيها انا .. انا بس هنقل مقالات خصوصا لناس اسلمت و هحط لينكات مواقع و لينكات مقاطع طبعا مش بالعربى و لو فى اى استفسار هكون حاطة باذن الله لينك موقع او ميل ناس متخصصين يجاوبو عليهم لانى حاليا غير مؤهلة للرد عليهم و دى خطوة مؤجلة بالنسبة لى الفترة دى .. فهمتينى ؟؟
عشان بقى فكرة التعريف بالاسلام و دى اللى هتتعمل حاليا باذن الله
هعمل اكونت ع الفيس و اكونت ع تويتر
و بيج ع الفيس و مدونة(زى ما انتى قلتى) عشان لو البيج اتمسحت يبقى معانا اصل المواضيع بجانب ممكن تعمل حاجة .. و بس
لو عندك راى تانى فى الموضوع قوليلى ياريت..
ع فكرة بجد ردك اسعدنى جدااااااا .. جزاكى الله كل خير ياقمر
إرسال تعليق