الأربعاء، 8 أبريل 2009

خطوط حمراااااا



السلام عليكم و رحمة الله


اول خط احمر

هل السياسة فيها مشاعر و لا لأ؟؟؟


دايما اسمع كلمة : السياسة مافيهاش مشاعر

فى حصار غزة

لما نقول مش عايزين معاملة لا سياسية و لا اقتصادية و لا اى نوع معاملة بيننا و بين اليهود

يقولولنا السياسة مافيهاش مشاعر

مصير البلد مافيهوش مشاعر

لازم نخلى عقلنا يحكم مش مشاعرنا

و الشعب يتكلم بس الحكومات تنفذ اللى هيا شايفاه صح


و كان اخر موقف سمعته من مواقف السياسة التى لا تراعى المشاعر

انهم ناويين يحولو غرفة نوم الرئيس صدام حسين لغرفة نوم لشهر العسل لمن يدفع الثمن


و طبعا ده فى مصلحة البلد

هيوفر دخل كويس

و هيعمل سياحة

و طبعا كرامة شعب كامل .. لا مكانة لها .. لان السياسة مافيهاش مشاعر

بغض النظر عن صدام و عن اللى حصل ليه فى اخر فترة و مدى اهانة الشعب العربى كله مش العراقى بس

ازاااااااااى الحكومة العراقية توافق ع ده

او حتى الحكومات العربية

ازاى يعنى الاهانة دى تحصل و يكون الرد

اصل السياسة و مصلحة البلد مافيهاش مشاعر

انهى مشاعر؟؟؟؟؟؟؟؟
مشاعر شعب كامل مالهاش مكان فى سياسته

امال ازاى بلده

و ازاى الحكومة بتمثله

هو مش لازم برده يكون فى توفيق بين عقل الحكومة و عاطفة الشعب و لا اييييييييييييه؟؟؟؟؟؟؟؟


الخط التانى..اتمنى قصدى يتفهم صح بالله عليكم


مسلم و مسيحى


مبدايا

انا لا اهدف الى اى فتنة طائفية فى بلدى

بس انا بجد من فترة و نفسى اتناقش فى الموضوع ده

هل علاقة المسلم بالمسيحى علاقة ضعف؟و لا علاقة حرص؟و لا علاقة خوف؟و لا علاقة تعاون؟و لا علاقة مسايرة؟و لا علاقة مصلحة ؟و لا خوف على البلد ؟و لا حسن تعايش -زى ماديننا وصانا-؟..صراحة مش بحب اوصفها بالاخوة بس هستنى رايكم انتو فى الوصف اللى هتختاروه.......

احنا فى مصر كل حاجة تحصل بين المسلم و المسيحى

بنخاف اوى منها

دايما نقول الغرب عايز يعمل فتنة طائفية

كتيييير يقولو المسيحيين اخواننا و المسيحيين يقولو المسلمين اخواننا

بامانة و بمنتهى الصراحة

انتو حاسين بده

صراحة انا مش حاسة كده مش عارفة ليه

يعنى من وجهة نظرى او اللى انا مطبقاه فى حياتى

فقط حسن تعايش زى ما دينى وصانى

يعنى مابقولش على المسيحى اخويا

المسلم هو اللى اخويا

انما المسيحى لا

مش تفرقة

بس ده مسلم دينى و دينه واحد

رابظة اقوى من الدم بيننا

المسيحى ليه عليا حسن المعاملة

مش مطالبة باكتر من كده

انا مش هكتب كتير فى الجزئية دى بس اتمنى اللى عايزة اقوله يكون وصل

و بكرر

اولا

اى راى ده رايى الشخصى مش راى الدين

ثانيا

ماقصدش ابداااااااااا اى تفرقة عشان لو الكلام اتشاف غلط مش مسئولة













16 ضع بصمتك ..:

جارة القمر يقول...

مبسوطة اني أول تعليق حكون هنا ..
كلام رائع وتناولتي مواضيع حلوة بجد محتاجة لنقاش
السياسة والمشاعر !! كلمة بتنقال بدون معنى واضح .. عارفة حاجات كتير جدا بتحصل مش مفهوم الها أي معنى كرامتنا بتنداس ولا حد متحرك الاعتداء على المسجد الأقصى وانتهاك حرمته .. الكل بيقول احنا مالنا حكامنا يتصرفوا والحكام نايمين وهس ولا هنا ..
أنا من غزة ومش ححكي عن معاناتنا وشو بنقاسي هنا بس الكل عارف لكن ما حدا بيتحرك ؟؟؟ ليه مش عارفة ثمن بندفعوا بدون ذنب ؟؟ بالنسبة لغرفة صدام وشهر العسل الحدوتة استفزتني كتير وبيسخروا من مشاعربنا وكرامتنا وحكامنا ولا هنا هس ما حدا فاهم حاجة ؟؟ ماتعتبي كتير ..
السياسة هي أم المشاعر هذا رأيي وليذهبوا حكامنا الى الجحيم
أما بالنسبة للمسيحيين والمسلمين بالنهاية حبيبتي كلنا بنعبد اله واحد لكن هناك مفارقات وبيشركوا بالله اله أخر لكن تعالي نروح لأيام الرسول عليه الصلاة والسلام لما حكى الهم لكم دينكم وليا ديني المهم المعاملة الانسانية ونحاول نهديهم ونتجنب المشاكل معهم ..
بالنسبة للفيزيا مممممممممممم ..
ححكيلك حاجة انا دارسة قانون وعفكرة من صر مخلصة جامعة الأزهر شعبة شريعة وقانون انا ضد اني أحفظ المهم أفهم وممكن ييجي الحفظ بعد الفهم
وبالنسبة لصاحبتك انت عارفة منين ان هي مافتحتش كتاب مستحيل طبعا ازاي يعني من غير ماتذاكر تجيب فل مارك دي أكيد بتخدعك ماتزعليش بس حاولي تنسقي بين الفهم والحفظ اعملي الخطوتين مش بس بالفيزيا بأي مادة تانية ..
معلش طولت بردي لكن مواضيعك حلوة وبجد انت حبوبة
احترامي وشكرا عردك عندي

شموخ مسلمة يقول...

جاااااارة القمر

بجد مبدايا احب اقولك انى و الله حبيتك اكتر لما عرفتك اتاكدت انك من فلسطين
ع فكرة بحبها جدااااااااااا
و كمان كلامك طريقته عسولة اوووى

بالنسبة لردك:
انا معاكى و الله جد ان السياسة فيها مشاع بس مش عارفة هما لما بيقولو كده بيسكتونا و لا بيضحكو علينا و لا على نفسهم
بالنسبة للمسلمين و المسيحيين
انا معاكى فى ردك جداااااا"لكم دينكم و لى دين"
بالنسبة للفيزيا:
مش عارفة بجد مااظنش انها بتضحك عليا مش لانى واثقة فيها اوى
بس اصلى شفت الكتاب بتاعها لانى كنت بشرحلها فيه
بس انا فعلا و الله هحاول اوفق بين الاتنين ربنا ييسر...دعواتك

بجد اسعدنى مرورك و ردك جداااااااااااا

♥نبع الغرام♥♪≈ يقول...

السلام عليكم ورحمة الله وبركاته
أختى الصغيره قووى أمل الحياه
بصراحه مش عارفه أبتدى منين
بس اشكرك الاول لمرورك الكريم لمدونتى
وأتمنا ان تكونى صديقه دائمه لمدونتى
وبصراحه لفت نظرى لصغر سنك على الكلام الكبير ده اللى أنا بجد ماعرفوش
واشكرك على المعلومه الجميله دى
وكمان اما موضوع الفيزيا يا اختى
انتى هتتكلمى وتقولى ايه انتى عارفه المجاملات والشعب المصرى معروف بكده ودى مش جديده اللى بيتعب ويسهر بيكون حقه مهضوم
على العموم ربنا يوفقك ومتزعليش ابدأ وربنا معاكى يا أختى
تقبلى تحياتى
وسلالالالالالالالالالالالالالالامى

شموخ مسلمة يقول...

عاشقة الاحزان:
و عليكم السلام و رحمة الله و بركاته
و الله بجد مش عارفة اقولك ايه
ربنا يستر فى الفيزيا دى ...دعواتك

بجد اسعدنى مرورك جدااااااااااااا جدااااااااا

ألـــــــوان الحيــــــــاة يقول...

السلام عليكم

شوفى يستى
بالنسبه للخط الاول
فلازم السياسيه يبقى فيها مشاعر و يبقى فيها كل الماراعاه لاحساسيس البنى ادمين المختلفه لان اللى بيطبقوها بنى ادمين واللى بتطبق عليهم بنى ادمين بس فيه فكره انهم لما بيقولوا السيساسه مفهاش مشاعر لما يجوا ياخدوا قرار معين ده لما يكون قرار مثلا هيحدد مستقبل دوله كامله بشعبها عامله زى حكم الاعدام لو القاضى ساب قلبه هو اللى يتصرف شويه ممكن يسيب المجرم من غير محاكمه لانه صعب عليه مثلا او كده فهما بيعتبروها قرارات بتعتمد على عقل الانسان بس مخبيش عليكى احيانا او غالبا بتبقى اغبى قرارات بياخدوها يعنى انهى عقل ده اللى يقول اننا منساعدش مسلمين زينا عشان مصلحه بلدنا متضرش ؟ ده احنا حتى لو ساعدناهم مش هيبقى قرار مبنى على مشاعرنا اصلا دى رابطه دم واخوه بينا وحاجه تمس دينا وتمسنا كلنا ده غير ان اصل احنا هنتضرر ايه اصلا اكتر ما احنا متضررين
يلا ربنا يهدى.........

بالنسبه بقى للخط التانى فانا فعلا معاكى اننا حتى لو كلنا ان المسيحين اخواننا مش ببقى طالعه صافيه من القلب ومش بتمس القلب برضه الموضوع بيبقى فيه حساسيات يعنى انا معتقدش انى هرتاح لحد مسيحى زى ما هرتاح لحد مسلم من دينى ومش عارفه بجد ليه مع انهم فى الاصل بنى ادمين بيمارسوا جميع الانشطه والمعاملات الحياتيه اللى احنا بنمارسها وبنتعامل معاهم فى كل الاماكن اللى ممكن نروحها خلال اليوم كله بس يمكن ده اللى كل واحد شايف التانى غلط وانه هو الصح فده يمكن مش بيسبب ارتياح وان برضه فيه قيود فى التعامل لاختلاف الديات زى مسأله الزواج فدى برضه بتخلق الفرق ده
يلا ربنا يهدى برضه........

بالنسبه للخط التالت بقى فالفزيا عمرها مهى هتبقى حفظ ابدااااااا مهما حصل لانها اصلا علم يعتمد على الفهم والتخيل فلو صاحبتك وفقت فى امتحان وهى داخله حافظه الاسئله يبقى الغلط مش عليها ولا عليكى الغلط عاللى حاطط الاسئله بالنص ومااحترمش دماغ الطالب اللى ادامه ولا الماده اللى بيدرسها وبرضه حتى لو نجحت وجابت الدرجه النهائيه فى كل امتحانات الفزيا اللى اتعملت بالطريقه دى فكل ده كلام فاضى وتبقى متعلمتش فيزيا اصلا وتبقى انتى فى الاخر الكسبانه

يلا ربنا يهدى برضه


وادينى عوضتك اهو فى رد واحد بوستاتك اللى كتبتيها من اول ما بدأتى مهو ميصحش برضه اخد المدونه ممر من غير اظبطك بتعليق حلو كده زيك وعلى فكره فعلا البوست يستحق المناقشه والكلام وده مش جديد عليكى يا ملاك

تحياتى

شموخ مسلمة يقول...

ايه ده
رودى هانم عندنا
يا مرحبا يا مرحبا
بجد ردك رااااااائع جداااااا حبيبتى اسعدنى مرورك جدااااااااااا

امـنــيــتــي يقول...

السلام عليكم

كلامك حلو ربنا يوفقك
ويحقق امانيكي

امين

اتمني لكي زياره مدونتي وشكرا

شموخ مسلمة يقول...

امنيتى:
و عليكم السلام و رحمة الله
اللهم امين
مرورك احلى
بجد اسعدنى مرورك جدااااااا

عمرو يقول...

اللى لاقيته فى مدونتك أثبت لى أنه لا علاقه بين السن و النضج العقلى ..
مواضيعك شيقه جدا و بتفتح مجالات لا حصر لها للتفكير و المناقشه و التعلم كمان ..
أحييكى بجد و تقبلى خالص تقديرى ..

مهندس زراعي يقول...

موضوع جميل جدا جدا

ربنا يبارك فيكِ

تحياتي لكل سطر كتبتيه

تقبلي مروري المتواضع

اسماء واحلام فى وجدانى يقول...

اسماء واحلام فى وجدانى

تعتذر عن الغياب

احمد

شموخ مسلمة يقول...

عمرو:
بجد انا سعيدة جداااااااا جداااااااا بمرورك الجميل بجد
ربنا يكرمك يارب

شموخ مسلمة يقول...

مهندس زراعى:
ربنا يكرمك ياااااارب
بجد مرورك شجعنى و اسعدنى جداااا

شموخ مسلمة يقول...

اسماء و احلام فى وجدانى:
و لا يهمك يا احمد
ربنا معاك و يكفينى مرورك

اسماء واحلام فى وجدانى يقول...

انا جيت تانى علشان اقولك

ان السياسة بالنسبة لعالم المشاعر

فهى كالوباء

لان السياسة لا تعرف العواطف ابدا

لان العاطفة تعنى فى مفردات السياسة

الموت المحقق

يا ترا انتى غايبة كل ده ليه

شموخ مسلمة يقول...

أسماء و أحلام فى وجدانى:
انا معاك ان ماينفعش نلبى كل عواطف الشعب
بس متهيالى ع الاقل يبقى فى مراعاة و لو حاجة بسيطة

بالنسبة للغياب
و الله كنت لسة بعمل موضوع انبارح بس النت فصل
معلش بقى مذاكرة و كده
اسعدنى مرورك جدااااااا