الأحد، 26 أبريل 2009

ليييييييه بنعمل كده؟؟؟؟




السلام عليكم و رحمة الله

ازيكم يا جماعة اخباركم ايه؟يارب يكون الجميع بخير

و الناس اللى فى الجامعة يكونو تمام

و اللى بيمتحنو ميد تيرم تكون النتيجة تمام

و الناس اللى بتشتغل يارب تاخدو حوافز و طبعا الناس اللى فى ثانوية يارب يارب تحققو احلامكم و ربنا يعينكم يارب ....شدو حيلكم

متهيالى كده مش نسيت حدادخل فى الموضوع بقى

الموضوع كله يتلخص فى سؤال ليه بنتعمد نجرح بعض؟


بس الاول قبل ما ادخل فى الموضوع عايزين بس نتفق ع حاجة اى حاجة عن الحب ممكن تيجى فى الموضوع انا بتكلم عن الحب عامة حب اقارب و اخوات و اصحاب و ممكن حد تانى بس الحب اللى مش يغضب ربنا

ارجع بقى تانى للسؤال ليه بنتعمد نجرح بعض؟

ليه يا جماعة لما يكون حد بنحبه و بيحبنا و حصل موقف حتى لو موقف جامد ليه مش بنسامح

طيب مش قادر تسامح ليه بتتعمد تجرحه

يعنى اوقات بنجرح غيرنا بدون قصد

بس ليه نتعمد و نفكر ازاى نجرح غيرنا خاصة لو غيرنا ده حد بنحبه

مش بنحط نفسنا مكان غيرنا و ع طول و بسرعة غيرنا غلطان و احنا اللى دايما صح و احنا اللى دايما مش بنغلط و نظلم غيرنا و مش كده و بس لا كمان بنتفنن فى الوسائل اللى تجرحه و لا كانه انسان

عمرنا ما بنعمل تبادل ادوار


طيب ايه رايكم تيجو كده نتخيل الموقفين

حد بنحبه و عارفين انه بيحبنا عمل موقف معانا بس موقف جامد شوية لا شويتين تلاتة

و مش قادرين نسامح اول موقف


اننا هتتعمد نجرحه كرد فعل لجرحه لينا او انه زعلنا

اوكى جرحناه

طبعا هيرد علينا بجرح او هيبقى احسن مننا و مش يرد الجرح ده

بس طبعا مادام احنا اصلا بنتعمد نجرحه فهنجرح تانى و تالت و لحد مانتعب بقى

و فى الاخر يحصل حاجة من 3 حاجات

لاما نكتشف ان الانسان اللى احنا عمالين نجرحه ده هو اكتر انسان حبنا و كان باقى علينا

لاما فى يوم هتكتشف ان الدنيا احقر من انك تعيشها عشان تجرح غيرك و تدمره و تعيش حياتك كلها فى مؤامرات كانك فى حرب

لاما هتكتشف ان الانسان ده مش يستاهل و لا ثانية تضيع من عمرك

و فى ال3 احوال مافيش حد هيندم الا انت

الموقف التانى

بقى اه هو جرحنا و كل حاجة و احنا مش قادرين نسامح ع الاقل فى الفترة دى بس هننسحب من حياة الشخص ده

ع الاقل لحد لما نهدى او اننا نواجهه و هتكون نتيجة المواجهة

اما انك تنسحب من حياته عشان مش تجرحه

اما انك تسامحه لانك مازلت بتحبه و هو كمان

احسن حاجة فى الموقف التانى انك هتكون عايش مرتاااااااااااح مافيش بقى التفكير بتاع هدمره و والله لاجرحه و لو مش اتجرح بطريقة فى 176474826748طريقة


حاجة بقى عايزة اقولها للناس اللى بتحب تجرح غيرها

و الله العظيم الدنيا مش مستاهلة ابدااااااااااااااا انك تعمل كده و لا انت هتتحمل حسرة انك تيجى فى اخر عمرك و تكتشف ان حياتك كلها ضاعت فى لا شئ و لا هدف

و بعدين ده حد كنت بتحبه فى يوم من الايام ليه تحول الحب ده لكره

انسحب من حياته و خليه هو كمان ينسحب من حياتك

مش لازم تكملو مادام لاقيتو الحب بيختفى حاولو تحتفظو بالباقى منه و بلاش تجرح حد لانك مش هتستحمل حد يجرحك

و كما تدين تدان

و برده جملة للناس بقى اللى بتتجرح

"ابتسم فلا احد يستحق دموعك و من يستحقها فلن يجعلك تبكى"

بجد لو حد حبك او عارف انك بتحبه و مقدر ده منك و الله ما هيجرحك و لو حصل بدون قصد مش هيستحمل جرحه ليك و هيخفف الجرح ده بكل طاقته

ماتبكيش ع اللى بايعك و لا اللى مش يستاهلك بس

فى نفس الوقت اوعى تظلم حد

و اعرف ان اللى يتعامل معاك و يفهمك غلط اما انه عايز يفهمك غلط و اما انه مش قادر يفهمك

فما تتعبش نفسك كتير

ما فيش انسان الكل هيرضى عنه و لا فى انسان هيكسب حب الكل

7 ضع بصمتك ..:

♥نبع الغرام♥♪≈ يقول...

الحق أول تعليق

♥نبع الغرام♥♪≈ يقول...

الله عليكى ياقمر
أتكلمتى فى موضوع جامد قوووى
وبجد كل اللى اتكلميتى فيه حصلى بالفعل ياحبيبتى والله
مش عارفه ارد لآن مش عندى إجابه أنا نفسى بسئل نفسى كتير قووى
ليه ليه ليه ليه؟؟؟؟؟؟؟؟
معلهش سامحينى
مش قادره أكمل لانى بجد بكيت
تقبلى مودتى

شموخ مسلمة يقول...

عاشقة الاحزان:
بجد بجد متاسفة و الله ان الموضوع كان سبب فى بكائك
بس البكاء كتير بيريح
بس بلاش تخليه يبقى اقوى منك
لازم تبقى اقوى منه
استعينى بالله حبيبتى
و اللى يستغنى عنك انتى عنه اغنى
ربنا معاكى يااااارب

بجد اسعدنى مرورك جدااااا و هنتظر المرور التانى اللى تبقى بضحكتك فيه

اسماء واحلام فى وجدانى يقول...

ابتسم فلا احد يستحق دموعك و من

يستحقها فلن يجعلك تبكى


حقيقى كل كلمة قلتيها لانها من واقع

حياتنا

بس تفتكرى هنفضل ننجرح لحد امتى

ونسكت

الطيبة النهاردة فى عرف الحب اسمها

اتغير

ومعنى الحب كمان اتغير

بس انا مش هاقدر اضع نفسى مكان

حد جرحنى لان اللى حرجنى فى الوقت ده

كنت انا شايفه حاجة وحشة اوى

بدون الدخول فى تفاصيل

ازاى انا اعمل معاه كل ده

ويكون رده باسوا ما يكون

وللاسف الشديد منقدرش ننسا الحب ده

لانه اخذ من العمر اجمل ايامه

ولسة نحبه

شوفتى الخيبة

طولت عليكى ما اهو انتى السبب

موضيعك الحلوة دى هتخليكى تصدعى

منى ومن غيرى

اشكرك جدا لحسن تفكيرك

جارة القمر يقول...

حبيبتي ازيك يارب تكوني بخير
سوري للتأخير بس ظروفي أقوى مني


عارفة الجرح فعلا امتى بيألمنا وبيقتلنا لما يكون من أقرب الناس النا

ممكن مايكونوش واخدين بالهم أو بيكونوا متعمدين أحيانأ
شو السبب ما بعرف

يمكن احنا كمان بنجرح بدون قصد اعز الناس بكلام مش بنكون فعلا قاصدينه

هيك حياتنا
صعب اجاوبك على حاجة موجودة بطبيعة البشر
الخير والشر بكل مكان وانخلقوا معنا

بس خليكي انتي طيوبة وحبوبة
وانسي الكل
اهتمي بدراستك ويارب نسمع اخبار حلوة
سلام

شموخ مسلمة يقول...

اسماء و احلام فى وجدانى:
اولا ربنا معاك بجد
ثانيا
عارف المشكلة ايه
ان مثلا لما حد يجرحنا بنقول بيجرحنا ليه
بالنسبة لى انا مثلا
بستمر انى اقول لنفسى اكيد جرحتها مثلا فى حاجة
و اقعد بقى افكر جرحتها امتى ماالاقسش حاجة
فبتعب اكتر
مش عارفة
ربنا يهدي الجميع
نورت كتيييييييير يا اخ احمد

شموخ مسلمة يقول...

جارة القمر:
كلامك جمييييييل اوى و ريحنى اوووى اووووووى

ربنا يخليكى يا قمر ااااارب و يكرمك