السلام عليكم و رحمة الله
ياااااارب تكونو كلكم بخير
"ان صمتى لا يعنى جهلى بما يدور حولى و لكن مايدور حولى لا يستحق الكلام"
بحبها اوووووووى الجملة دى
لما نلاقى حد بنحبه اووووى و المفروض هو كمان كده -هو للبنت و الولد -و فجاة
جرح
و صدمة
هنعمل ايه ؟؟؟؟
متهيالى مش ادامى ل غير انى اقول "لا يستحق الكلام"
لما نلاقى حد بدون سبب او اى مبرر عمال يسئ لينا و يشوه فينا
مع اننا مااذيناهوش يبقى مش ادامى غير
"لا يستحق الكلام"
لما الاقى الناس بقت اشبه بوحوش غابة
ماتعرفش حاجة غير نفسها
يبقى "لا يستحق الكلام"
لما الاقى حد بيقولى صفة وحشة فيا هيا ابعد شئ عنى و اقرب شئ ليه
يبقى برده
"لا يستحق الكلام"
لما الاقى ناس بتدافع عن حق مش من حقها و مستميتة فى الدفاع
و بكل جراة او بكل (وقاحة)بيغلطو فينا
يبقى "لا يستحق الكلام"
هل انتو شايفينها ضعف
لما نحس ان اللى ادامنا سواء موقف او شخص مايستاهلش انى اتكلم
ماينفعش اخد حقى منه
و اسكت
هو ده ضعف؟
طيب مش ممكن ده يبقى منتهى القوة؟
يعنى انا هقولكم موقف يمكن يقرب قصدى
و انا فى 3 اعدادى كنت بمتحن فى مدرسة مش بتاعتى
المهم
و انا طالعة اخر يوم فى الامتحانات لاقيت واحدة مااعرفهاش نهائى و مش من مدرستى اساسا واقفة فى الشارع عمالة تشتمنى
مع انى ماعملتلهاش اى حاجة و لا كنت اعرفها اصلا
المهم فانا قلت لصحباتى ياللا عشان نمشى و تجاهلتها تماما
صحباتى اتضايقو جدااااااااا طبعا و قاولولى انتى كده ضعيفة و مش عارف ايه
المهم المنظر كالتالى
البنت عمالة تشتم و انا عمالة اقنع صحباتى اننا نمشى و متجاهلاها تماما
فى الاخر
نزل فراش المدرسة هزاها فى نص الشارع ادام كل اللى فى الشارع
قلتلهم شفتو بقى
الانسانة دى لو اتكلمت معاها كنت هقلل من نفسى انما و لا كلمة مناللى قالته اهانتنى كل كلامها اهانها هيا
بس و انتهى الموقف
حد فهم قصدى؟
6 ضع بصمتك ..:
اولا : الموضوع مهم جداا و ملموس اوى و بيمثل واقع ناس كتير اوى عايشاه
(لما الاقى الناس بقت اشبه بوحوش غابة
ماتعرفش حاجة غير نفسها
يبقى "لا يستحق الكلام"
لما الاقى حد بيقولى صفة وحشة فيا هيا ابعد شئ عنى و اقرب شئ ليه
يبقى برده"لايستحق الكلام " )
و ضيفى على كده كمان
لما تثقى فى حد اوووى و هو بكل بساطه يخون ثقتك دى
و كمان
لما حد يظلمك و متقدريش تتكلمى و لا تدافعى عن نفسك
من الصدمه
يااااه احساس بشع الاحساس بالظلم
سلمت يداك يا امل الحياه
و ربنا يبارك فيكى و يكرمك
و يعطيكى دايمااا
امل فى الحياه
الشافعي قال
يخاطبني السفيه بكل قبح فأكره أنا أكون له مجيبا
يزيد سفاهةً فأزيد حلماً كعودٍ زاده الإحراق طيبا
وقال كمان
إذغ نطق السفيه فلا تجبه فخيرُ من إجابته السكوت
فإن كلمته فرجت عنه وإن خليته كمداً يموت
وده كان داب الصالحين فيمن قبلنا
زي زين العابدين والأحنف بن قيس
لما حصل معاهم نفس الموقف مردوش
لأن من السفاهة مجاراتهم في سفاهتهم
ومن الخطأ إننا نتحول لمنطقتهم .. لأن همه عاوزين كده
راجية جنة الله:
اللهم امين يارب و لكى مثل مادعوتى يا حبيبة قلبى
فعلا عندك حق
احساس بشع لما تبقى مظلومة ومش عارفة تاخدى حقك او تبينى انك مظلومة
ربنا يسامح الجميع بقى و يهدينا كلنا
نورتى ياقمر
اسعدنى مرورك جداااااااااااا
د\ياسر :
جزاك الله كل خير ع مرورك الرائع
المشكلة ان الناس بتكدب و تصدق كدبها ..ربنا يهدى الجميع يارب
اسعدنى مرور حضرتك جدااااااااا
السلام عليكم
حبيبتى الغاليه
اشكرك من كل قلبى على مرورك الكريم وسؤالك عنى
بجد موضوعك جميل قووى وفى غاية الاهمية ربنا يهدنا جميعآ
تحياتى لكى
ايناس
انوسة :
اللهم امين
حبيبتى ماينفعش تشكرينى لان وجودك بيننا اهم حاجة و احنا كلنا اخوااااات
نورتى المدونة ياقمر
إرسال تعليق